千年女王Yagakko: 10月 2013

2013年10月15日星期二

亀亀牛一

上星期五係亀亀３歳牛一、

唔講唔知、原來我同娃子、亀亀、三個都係天秤座喎、哈哈！

星期五下午時間、亀亀個Friend就即刻嚟搵亀亀、

唔知係未嚟同佢講生日快楽呢呵？(爆)

( ´益`)hihi．．．．

拿、你地成日問我亀亀點様隔住度玻璃同佢啲Friend溝通呢？

以下就係俾我捕捉倒嘅宝貴鏡頭、你地自己研究吓喇。

( ´益`)hihi．．．．

注：亀亀真係成日坐喺窓前等佢啲Friend架！

▼　之後佢地兩個左望右望左好耐、亀亀久唔久又叫吓噉。對方又Meow吓

佢兩野、不過到而家我都係唔知佢地講乜！？辞典又冇得解。。。

所以我估佢地啲內容応該係咁上下掛。。。(爆)

佢個Friend又真係差唔多日日嚟搵佢喎。

但我就成日睇唔倒佢個Friend有奶枝定係有袋袋。。。

所以到而家都係唔知佢係公定乸。。。(囧)

(爆)

佢個Friend同我好地好熟架喇、

所以我地點影佢佢都冇咩反応。、。。慣左？！

問：　點解我地唔餵佢？

答：　因為我地条村唔俾餵猫。　餵親好大件事！你都知我地呢度八婆多架啦。。。

~☆~☆~☆~☆~☆~☆~☆~☆~☆~☆~☆~☆~

講吓亀亀啲平常事先。( ´益`)hihi．．．．

話説以前娃子BB嗰時、

不論我痾屎定痾尿、對厠所門一定唔可以閂冚。

一閂冚娃子搵唔倒我OR睇唔倒我就會喊到發癲、

How門打門各様、乜都齊、、、　

所以做咗人地阿媽係絶対冇私人時間可言。

（包括你去厠所嘅時候）

好喇、娃子而家大個女、諗住可以甩難啦！？

原來又唔係、

而家輪到細嗰隻。。。

呢隻重離譜、叫喊不特只、重要爪！爪你度門、爪到Gwet Gwet声、

花哂(☄ฺ◣д◢)☄　　

唉、間屋住左５年都唔夠呀猫大姐、

除非我發咗達中咗六合彩、否則我會喺度住到老架喇。

你唔好咁對佢呀。。。( ´ﾟдﾟ｀)

拿、即係噉、

要開条喇仔俾佢、鐘意就俾佢昅吓你、

再唔係就成隻走入嚟陪你辦大事。(爆)　都唔錯吖！？

唔洗齋打機咁悶吖麻！　哈哈哈

▼　我地最近買左塊比較長毛少少嘅地Jean、

因為快冬天喇、整張暖少少嘅會C服啲( ´益`)hihi．．．．

但亀亀好驚佢、次次行過呢塊野都好似行地雷陣噉、以最短猫歩走完佢。
今次佢自己ON猫猫噉将条猫發掉咗入個「地雷陣」裏面、
真係様衰、做猫做到你咁唉！　　你睇佢幾呢Hea！？
(爆)

▼　好辛苦先R返条猫發出嚟、

之後就坐係玄関門前Hea住等皇帝返嚟。

個肚有點大。。。

(爆)

▼　等倒喇。。。。嗲到嘔(*´ｪ`)　

IF所有女児都係父親嘅前世情人、噉皇帝前世就有兩個情人？？

哈哈哈哈哈～

▼　話明亀亀生日、我地就梗係要特別為佢開個生日PARTY啦。
先嚟準備個靚靚缶頭先。（其実日日都有缶頭架啦？冇咩特別喎）

▼　因為猫唔食得忌簾嘅関係(爆)、所以用手搣啲魚乾、放喺啲缶頭魚肉上面、

做装飾、扮忌簾又好點都好啦、冇噉DRY吖嘛。( ´益`)hihi．．．．　(爆)

▼　再挿枝蝋燭俾亀亀！
拿、三歳喇、大個女喇。(爆)

▼　咦？有猫改咗姓。。。　佐藤、名；右藤。

極度唔耐煩咁喎(爆)

好喇好喇、姓乜都好、一陣先諗。而家最緊要係開餐。
你地班粉人攪噉耐、幾時先俾我食得呀？

▼　唔好眼仔碌碌只顧住望cake喇(爆)、快啲嚟許個願望先啦(爆)

你地可能會問、猫點識吹蝋燭呢？
唔怕！皇帝會代労(爆)。

但好好笑、喺娃子拍手掌同皇帝吹蝋燭嗰一刻、
亀亀突然嚇親、喺叫左一野之後重大大口気地faaaaaaat咗一野！
(爆)　
有片為証、去片！
（留意最後嗰度。）

最後、重緊張到撐行張台、

真係嚇鬼死猫咩！？(爆)

▼　唉、終予有得食喇。。。。　

亀：　生日party搵BEN CHAN嘅！

可能你地會話pet生日攪生日會好鬼無謂。

但其実你地諗吓、一隻猫、一隻狗、真係冇幾多個１０年。

所以要好好珍惜毎一年同佢地共渡嘅好日子呀(*´ｪ`)

▼下図。。。

右；上年嘅亀亀、

左；今年嘅亀亀。

今年好似老成左少少、
大隻咗？栄養左？？
( ´ﾟдﾟ｀)

2013年10月8日星期二

唔好意思、
呢篇搵唔倒相、齋字。

冇時間睇嘅朋友、返到屋企先睇啦！(爆)

最近娃子放學時日日都鬼噉遅、
人地一年班、二年班嘅學生都巳経返到屋企乜時、
但我個女就重喺回家途中同啲朋友喺度HEA住行、
蟻欄噉…　
激死未？|||-_|||

我都知、回家路程真係好遠、
以小朋友速度嚟講、快則４０分鐘、慢則１個鐘…
但娃子放學後重要喺屋企裏歎茶食餅、
之後重要帯佢去上公文、
放左公文返嚟又要食晩餐、做功課、真係戥佢惨。(｡-_-｡)

由予佢毎日度住歩咁行返屋企、都９歳咯、
鬧佢都唔會聴架啦！？

咁點好？
佢咁胃食、用餌引佢囉！(爆)

拿、好簡単。
只要你３点半前返到屋企就有朱古力食！

嘩！即刻開眼。
( ☉_☉)

好嘞、娃子真係毎日跑住咁返嚟、
成身湿哂、唔講唔知以為佢跌咗落河(爆)。　

但最近、佢趕唔倒３点半返嚟、
冇得食朱古力、發爛咋。。。(☄ฺ◣д◢)☄

我問：　点解有得食都跑唔切返嚟呀？

娃答：　個男班長同佢啲朋友一路行一路玩樹葉、樹枝、
我地啲女仔一爬佢頭佢就打我地、之後蹴我地啲書包各様…　
我同佢講左要返公文所以要趕住返屋企、
佢地乜都唔聴只顧住狂打我個頭、咁點呀？

我：　咁你有冇同先生講吖？

娃：　有、先生話任何情況下都唔可以爬班長頭喎。

我：　噉你有冇同先生講佢地一路行一路玩、之後又打你先？

娃：　有、但佢只講係任何情況下都要聴班長話、所以佢停喺度抖、
我地都要停喺度等佢行。

我：　。。。　

翌日放學時間、我滾住去学校搵先生（娃子班主任）傾計。

先生老遠聞倒我陣味、
即刻却歩。

我：　吉ｘ先生你好！有事想搵你解決、未知你而家方唔方便？
吉ｘ先生：　好呀。

我：　最近阿女放學返屋企好遅、我又要帯佢返公文、真係好頭痛、
問咗阿女原因、原來佢地個班長欄住唔俾阿女行。。。。。。（下冊千字）

吉ｘ先生：　吓！真係有咁嘅事？
我：　..... （反眼）　

吉ｘ先生：　娃子、拿、以後有啲咩事記得第一時間話俾先生知呀、明白嗎？
我：　娃子、你尋日唔係同我講咗話件事先生巳経知嘅呢咩？

娃子：　。。。　我。。。。有講呀。。。
吉ｘ先生：　係囉、你同辺個先生講咗呀？

娃子：　我個班主任囉。
吉ｘ先生：　你個班主任？未即係我囉？

娃子：　係呀。

我：　。。。。。咁件事先生你知唔知嘅呢？　（R爆頭）

吉ｘ先生：　哦、原來你尋日喺小息時講嘅係呢件事！先生而家醒起喇。。。

我：　。。。　（我。。。你老。。。。）

吉ｘ先生：　我明白喇、西多太唔好意思、可能我当時忙緊做其他野冇留心聴娃子講野、
真係唔對唔住呀、哩件事就請交俾我去辦啦。　拿、娃子、聴日返學上堂前記得提先生
講返呢件事喎、先生怕自己唔記得、我一陣返返教員室時會寫返MEMO提自己架喇。

想問、
①先生今朝你記唔記得自己食過啲乜呀？
②你一陣識唔識路返屋企呀？

(｡-_-｡) 汗

好記得、今年４月做家訪時、先生問我對予娃子学校生活有啲咩問題想問？
我就喺啲大和阿媽口中収集過情報、話娃子班有男同學帯Cutter返學玩、
上堂時就攞啲Cutter出嚟同其他同學比武。乱咁揮、重差啲整倒同學。
( ☉_☉)　不過聴聞先生即刻在場渇制佢地、最後冇事。但呢兩位壊份子
日日新鮮日日甘、唔係Cutter就交剪、所以就呢件事件問吓先生點睇。

吉ｘ先生：　係咩？有咁嘅事咩？唔係下話、
可能佢地秘密地喺櫃通底玩而我又唔知頂啦。。。（汗）

我又好奇怪咁同先生講返、

我：　唔係喎、我聴朋友媽媽講話先生你応該知呢件事、如果唔係班學生
都唔會停手啦。

但先生一直継続強調自己真係唔知呢件事。
問娃子、娃子又話唔清楚、因為佢做緊堂課。。。

我都有同皇帝講過娃子班有同學玩Cutter、
但皇帝又話我聴錯是非収錯料。。。

事隔差不多大半年、
我而家先知、原來我収嘅料係正確嘅囉！！！！

我唔係怪獣家長乜春都投訴、
只係人家打你、你冇理由重同佢講句唔好意思兼多恋謝姐？

~☆~☆~☆~☆~☆~☆~☆~☆~☆~☆~☆~☆~

明日、我又要去学校数返呢単野出嚟、
因為好左一排、個男班長今日又嚟發癲！(☄ฺ◣д◢)☄

今日又継続搵樹枝嘔打娃子、打頭、嘔脚。
不過好彩娃子今日著長褲。走得快、冇損傷！

如果個先生継続軟皮蛇、唔理唔彩的話、
就請唔好怪我、
我要直接向訓導投訴、向男班長訓話。

另外；

今日又収倒個癲婆向我也加村長投訴。。。
(￣ロ￣lll)

話最近阿梨成日喺上學途中停低飲水HEA、
佢個仔本来就想快啲返到學校、但無奈要等埋阿梨同成班人、
忍無可忍圧力巳爆煲、所以独自跟其他隊返學。

但因為学校唔俾噉做、一定要佢跟返自己条隊、
阿仔毎日好困苦、叫我請正視呢個問題。

( ☉_☉；)

我問：　娃子、你地飲水飲幾耐？
娃答：　２，３分鐘都冇、飲完即刻走、又冇傾計各様喎。。。

|||-_|||

等嗰一陣間你個仔就忍唔倒好辛苦、
有幾辛苦呀？　人人都係咁等、又唔係得你一個係噉姐？
什麼叫団体行動呀？你地大和人唔係従小就有學嘅咩？
洗唔洗我同你温書呀？

拿、一係你個仔就唔好跟隊返學喇、
你老母車佢返學好冇？

佢巳経唔係第一次、
而係一個月一次、最初重勁、毎日。　內容全部一９様！

你老。。。唔応該嚟搵我、
係応該去搵精神科！

　