話說有次我地西多家冬天返香港，同我媽咪爹吔全家去飲茶。
當時煲仔飯係時節，皇帝呢D煲仔飯桶一知道即刻精靈哂！喺酒樓食住小小點心等左半粒鐘留住肚都係為左要食佢。♪(´ε｀ )
好喇！(^o^)
終於聽倒有個阿嬋嗌"煲仔飯"呢3個字(((o(*ﾟ▽ﾟ*)o)))，皇帝即刻採取行動，但我爹吔又怕皇帝呢D日本人唔夠人搶，就馬上跑去阿嬋度幫皇帝睇吓有乜啱食嘞⋯⋯
跑完回來後即刻報告皇帝有乜飯；
我爹吔就好急咁用廣東話回皇上：嗱，你聽住，有
鳳爪排骨飯
豆豉排骨飯
北菇滑雞飯
窩蛋牛肉飯
排骨鳯爪飯
咸魚肉餅飯
咁你想食乜？( ´ 益 ` )hihi...
皇帝聼到R哂頭，
但我爹吔又好有耐性咁混亂地重覆以上內容，次序不分先後。
可惜我爹吔重覆左5次, 皇帝都係選擇困難症咁呆呆吓⋯⋯！！((・・？）
爹吔都開始火火地，猛叫我翻譯一下，但我又掛住同阿媽吹水冇理佢地兩個男人up乜。( ´ 益 ` )hihi...
爹：點唧？D飯比人搶哂架喇！ψ(｀∇´)ψ#
皇：えっと〜〜(囧)
成枱親戚朋友又牛咁眼𥄫住皇帝，大家期待緊皇帝D廣東話如何。
煩惱左好耐嘅皇帝又唔衰得~_~;，比娃子以為佢D廣東話窄就好冇飛架嘛，最後皇帝終於回答我爹… (o_o)
皇：咁，我要鳳爪排骨飯啦唔該！(廣東話)
搞左陣，我終於回魂、阿爹同我講，
也加，你老公D廣東話聽解能力真係要操吓喇！我講D飯名講到牙血都出佢都重係魂遊四海咁。唉！D飯都差D俾人搶哂⋯⋯(￣▽￣)
之後我問返食緊飯嘅皇帝、
我：做乜呀？我爹吔講得好快咩？點解咁鬼冇用架你！(￣▽￣)
皇：冇呀，因為我想食有鳳爪嘅飯，但我聽倒有兩款啱心水但又唔知㨂邊款好囉。
爹：咩呀，有鳳爪得一款之麻，洗乜㨂唧。
皇：唔係禾、有鳳爪排骨飯同排骨鳳爪飯吖嘛⋯⋯！(◎_◎;)
皇帝又將我爹講過嘅內容一字不漏咁重複到我地耳仔邊。
大家諗左陣，成抬大爆笑！(爆)
皇帝佢分析比我地聽，
皇：我以爲鳳爪排骨飯同排骨鳳爪飯唔同之處，係鳳爪排骨飯D鳳爪可能會多D、排骨鳳爪飯D鳳爪可能會少D，因為前者帶頭做左主角嘛(爆)。所以我未㨂左鳳爪排骨飯囉。
(大爆)
即係咁、
原來皇帝D廣東話聽力同分析能力都有返咁上下！重當左佢係儍仔添！
真係失禮哂。(爆)
沒有留言:
張貼留言