2016年9月28日 星期三

言語欺凌

今次篇post比較長,有時間先睇啦😅

今日娃子放學回家後,同我講佢個朋友今日返學時雙眼紅腫😳,問朋友乜事?朋友答佢尋日比阿媽迫佢練琴練到夜晚十點鐘,又鬧又拍,之後阿媽爆喊行雷掟杯掟碟掟琴譜,搞到成地都係🙊🙊!繼而之後阿女嚇到喪喊,鬧到好夜先瞓。到左今朝又比鄰居投訴⋯ 好恐懼。😖😖

事原係咁的。
因為下個月娃子會同佢朋友有咁啱得咁穚一齊出席某鋼琴比賽🎹,而前幾日佢老母就叫個女試探問娃子將會彈乜歌😎?娃子答左係Debussy的Jardins sous la pluie之後,阿女回家就向老母品告。而佢阿女又夠天真無邪,將自己老母所說的完全搬返比娃子聽⋯ 老母說:

"呢首歌如果琴技唔係有返咁上下,我勸佢都係唔好揀了!費時獻醜。"
😱😱😱😱😱😱😱😱

娃子聽完呆左!😳😳
不過阿女再向老母補充返,娃子彈呢一曲喺栃木県鋼琴大賽入左圍禾⋯

之後老母就好似鬼上身咁,冷笑完後就馬上給自己女兒特訓🔥🔥🌩🌩,日日捉阿女練琴5,6小時⚡️⚡️!冇得休息冇小點冇得玩⋯

唉⋯⋯⋯🌧

又話說喺上年同期,娃子比賽前幾日睇Star wars娛樂吓, 佢老母又話⋯ 
"比賽前重睇戲唔努力練習,家教好極有限!" 又叫阿女唔好痴娃子咁多,費時近墨者黑!🔥🔥

最後,娃子贏左比賽,佢朋友又品告比自己老母知,老母就話⋯
"呢個比賽程度低,贏左都唔光彩!"

娃子聽完之後down左足足兩個月🌧!成個人變得既反叛,態度又差又灰又冇精打采☔️!我,皇帝同鋼琴老師嘥左好耐時間輔導娃子先變返正常人😩。

好嘞!今年暑假佢又知我地全家去歐遊,佢老母又話⋯
"成家都古靈精怪,好一個不知所謂嘅家庭!"🔥🔥

我聽完咁多貴 老母嘅寶貴意見,真係好好笑!😋我冇滾,只同娃子講,有病真係要去睇醫生,千祈唔好放棄治療(爆)。
娃子大爆笑!😂😂😂😂😂😂😂

好囉,娃子長大了!🎉慶幸今次冇再比佢朋友個老母出言中傷,心感安慰。我問娃子對朋友老母一言有乜感想?😎✨

"我唔多在意禾,因為我對手又唔係佢個女。我彈我鐘意嘅歌,只要彈倒自己想表達嘅畫面,其他嘢我冇理。"😁😁

冇錯了!做人有自信,就不需要太在意別人眼光,自己認為啱的,只要唔係犯法唔係壞事,就放心努力去幹吧💪🏻

至於娃子想表達什麼畫面?
就係在芬蘭Aulanko自然公園嘅塔上🍀,見倒美麗湖泊風景上空的雨後彩虹🌈。
嗰種壯觀場面,嗰種興奮,嗰種感動feel⋯ ☺️☺️



所以我覺得,帶娃子去旅行✈️,唔係要佢齋跟住老豆老母喪shopping逛名店, 而係同佢一齊編排行程,一齊靠大家努力找資料"不求人"💪🏻。去到當地迷路就勇敢開口問人,比佢睇清楚呢個世界有多廣濶,有幾多熱心陌生人會伸手幫忙,比佢嘗試接觸唔同事物👀,係好係壞由佢自己親身感受,自己判斷先係正確👍🏻。







沒有留言:

張貼留言