廿四孝爸爸見女兒咁有見地,馬上心郁郁想帶女兒出國見識嘞( ´ 益 ` )hihi...。我又見議皇帝娃子今年11歲,快12歲了,有心去就最好快快脆脆買機票喇,過左12歳去邊都當成人收費就好唔扺架啦嘛(爆)。有見及此,皇帝就咁落左搭嘞!( ´ 益 ` )hihi...
經過種種意見爭辯後,我們廿四孝二人三足就用左一年時間為女兒計劃好呢個北歐之旅了。因為我地最唔鐘意去邊前都要揾人問有乜好玩,有乜好去,有乜好食?自己未搵答案先求救,咁様會教壞小孩唔得的(笑)、全部自己一手一腳搵資料,自己訂船訂火車、之後自由編行程自由行咁先覺得滿足同好玩架麻!
拿,阿DA阿媽咁用心良苦,希望娃子你將來長大後都記得呢個美好回憶啦。( ´ 益 ` )hihi...
因為我地用開JAL, 但佢日本東京去瑞典冇直航,上網睇D醒目人講話由名古屋去瑞典買機票會平好多,check過計過之後又真係抵好多禾。所以最後我地決定寧願選擇轉多兩程機都唔寧願比人搵笨七,再者長途飛機途中可以走動吓都冇咁金耶!
8月4日晚,零晨時間由宇都宮到橫濱,再在早上4:30起身由橫濱出發到羽田機場。財神奶奶一早就為我們準備好早餐。湯&N種面包任君選擇( ´ 益 ` )hihi...
呢張相唔話你知係名古屋影的話,你可能誤會係喺香港機場影的。右上角嗰間中中地式餐廳重唔似美X酒樓?(爆)
轉機中。因為長途飛行関係,粉底一定要全走。呢D位唔堅持得的,奉勸大家要上鏡就借用黑超啦!哈哈⋯
經過長途跋涉後,宇都宇,橫濱,羽田機場,名古屋,芬蘭赫爾辛基,最後我地到達瑞典的斯德哥爾摩喇!!
冇嚇親大家嗎?〠
搭Arlanda Express到市中心先。在月台上已經feel倒瑞典的涼意。(21度)
一上到車上,娃子已經急不及待將自己第一次踏入瑞典國土的興奮感覺記録在筆記簿上。
到達酒店!
房間頗大&裝飾有品味禾。又係成年前左㨂右揀訂落的(笑)。果然冇揀錯禾,嘻嘻⋯⋯比個like自己先。( ´ 益 ` )hihi...
安頓哂所有行李後,即刻出外四處八!雖然攰到爆,但興奮心情一路持續進行,將攰打敗(爆)。夏天嘅北歐夜晚十點太陽都唔多願落山,所以一定把握機會,好抵玩架。
呢個小朋友在水池外喪食薯條。
瑞典斯德哥爾摩的中央車站外觀。黑襯白,簡單得來有點cool!
超市夾糖一欄。佢地睇來堅中意吔糖,度度都有糖禾。牙醫好生意頂耶,哈哈。(爆)
超市蔬菜沙拉一攔,好多種款式,又多種蔬菜又蝦又蛋又肉乜都有,任夾計重量後比錢。
一見倒貓糧又即刻諗起家中的巨毛覇了
(T ^ T)。
晚上到餐廳正正經經吃飯去❤︎
Fish & Chips一定冇伏。但晏昼又chips, 夜晚又chips,吃完生左粒瘡仔⋯囉。
網友見議去試瑞典出名嘅肉丸。
咦!?又真係好味禾!哈哈。
個汁D味好creamy, 肉又夠味。good! 唔好睇佢得幾粒仔咁,但其實size都唔細。如果喺日本食的話可能連貓都唔夠食(爆)。
豪華版的Fisk soppa瑞典魚湯。超級好味!忌魚嘅我居然喜歡它...
蝦子好甜、好正!同我地食開的有少少唔同様咁。
我的素食炸春卷無肉齋蔬菜定食。有點似冇咖哩味嘅咖哩角咁(笑)。個橙色汁有D蕃茄加椰奶味,點佢吔味道不錯。
嘩!回到酒店,除完鞋,阿女坐喺張梳化度研究吓罐啤酒途中就訓著左。(爆)
沒有留言:
張貼留言