豆腐漢堡

因為在facebook上反應熱烈，所以就喺呢度打返個詳細少少嘅簡單食譜比你地參考吓啦！

材料：

木棉豆腐300g

(請用網剩起，用平底碟蓋上豆腐面軽軽壓住，鯨水1小時。)

免治豬/雞/牛肉100g-150g

洋蔥1/4個砌粒炒香

半隻蛋汁

面包糠 10-20g

香蒜粒乾 少少

豆粉 2茶匙

塩  1/4茶匙左右

黑糊椒粉 少少

日本面豉  1茶匙

日本豉油  半茶匙

做法：

面包糠同所有調味料加蛋汁，已炒香洋蔥全部撈好一𠾍，之後加肉同豆腐再全部撚埋一齊，起膠後，用手軽軽撻佢一陣，走空氣。

手沾上油，將肉分3份，落鑊用中至大火略略煎香兩面至金黃色。

煎前在肉團面中間撳凹少少，會快D熟。煎到兩面金黃色後加D水，轉中火，蓋好鑊蓋等2分鐘左右，再反轉煎另一面2分鐘。見冇水後，用筷子吉一吉冇血漿就裏面熟透ok了。

(火路大細有别，請自己因。)

注意事項：放鑊煎前個肉面一定要撚到佢滑面，唔好有列紋，否則煎時D肉汁會流走的。

汁：

茄汁，OK汁各2湯匙。

紅洒 3湯匙

蜜糖 1茶匙

味淋 2茶匙

蠔油 少少(自行調教)

牛油 15g

全部煮熱，少少傑傑地就完成了！

怕酸可以加DD鮮忌廉(沙畢咖啡用嗰D)上汁面，可中和酸味＆濃厚D。

以下是用sour cream 代替忌廉版本，味道更香！

可在肉裏加芝士又得，怕肥唔加又得。自由自在( ´ 益 ` )hihi...

希望你地鍾意啦！

 

自家製basil paste

網友要求食譜、因為內容太長，所以唔打算上Facebook了！上blog啦。

以下係皇帝比我嘅資料：

◎Basil paste做法：

九層塔： 150g

Olive oil：200g

Crazy salt ：小2

蒜蓉 ：小3

松仁：少少

（可加兩種芝士，但因為加左唔襟放，所以skip左）

將佢全部用搞拌機打溶，即成！

好簡單呢！♪(´ε｀ )

至於尋晚我用左皇帝做嘅醬來變身成Genovese 意粉嘅做法如下：

（二人前）

◎材料：

1/. 意粉：160g

2/. 淥意粉用滾水：2L

3/. Salt: 小2(淥意粉用)

4/. 九層塔醬 4〜5湯匙

5/. 蒜鹽：適量

6/. 黑糊椒粉，紅辣椒粒少少

7/. 芝士粉：少少

8/. 舞茸，煙肉，洋蔥砌粒。

◎做法：

1/. 將材料8全部炒香(唔洗落油，中火慢炒)，加材料4至6，再兜。試味，熄火！

2/. 按意粉包裝袋上寫的時間，淥意粉。淥好後快速上水，倒落步驟1，大兜勻！

3/. 上碟，灑材料7，可加辣椒絲上面做裝飾。得左！

好簡單但好好味，以後唔想買街嗰D了。＼(^o^)／

歡迎留言到也加子專頁上。

多謝各位！☆*:.｡. o(≧▽≦)o .｡.:*☆

蝦米腸粉

喺大和呢度住，想食家鄕嘢就要自己整。不過我咁胃食，真係為左有得食都會千方百計上網大搜索！之後做無數次實驗，目的都係為左嗰啖香港味道！冇計啦，因為中菜我唔係咁瀬架，資源又缺乏，真係十萬個困(囧)。

頭先我上網喺"韋太烹飪教室"嘅blog上搵倒做腸粉嘅食譜，之後即刻開工！yeah...

(注：已問准韋太本人同意後先分享上來的). Blog link: 

http://irenechanwai.mysinablog.com/index.php?op=ViewArticle&articleId=109910

材料：

1/. 粘米粉; 150g 

2/. 粟粉; 20g

3/. 水; 450ml

4/. 葡萄籽油/菜油; 半茶匙

5/. 塩; 1/4茶匙

6/. 蔥粒，蝦米  適量

(注：在大和國住嘅朋友，我冇用粘米粉，因為冇得賣。所以改左用"米の粉"。做出來效果不錯！因為日本米比較煙韌、味道較甜，我成功了，你地都試下啦！ 蝦米：我用桜海老代替左。貪佢夠方便！哈哈)

做法：

(注：因為我懶又怕麻煩，大和又搵唔倒腸粉布各様，就自己諗左個新方法，用保鮮紙代替。卷時參考左大和人做壽司方式，所以做法同韋太做的會有D出入。)

Go!! 

1/. 將材料1至5全搞勻。

2/. 準備平底鐡兜一個，塾好保鮮紙後，掃D油上保鮮紙面。之後用湯殼撈起一羹粉漿，倒上鐡兜上，灑上蔥同蝦米。後入鑊裏大火蒸兩分鐘。

注：記得粉槳盡量薄D，但一定要填平。否則穿窿唔靚仔架喇。

3/. 兩分鐘過後，用個夾夾個鐵兜上水。

4/. 襯熱，從鐵兜裏取出保鮮紙連腸粉，一同移上砧板上。動作要仔細，睇熱！之後慢慢卷佢成一條。

成個動作好簡單，好似卷壽司咁，123,得左！又唔辣手，又快捷，so good! 

 

(注：保鮮紙請揀可抵受到140度高溫會比較理想。)

5/. 卷好後，掃D油上腸粉面，放上碟上。用濕潤嘅kitchen paper蓋好，防止佢變乾硬。

6/. 等齊各位腸粉朋友後，再軽軽蒸返熱少少。(我部微波爐有蒸餸功能的，圖中係蒸緊，不是"丁"呀!)

7/. 禮成！點D甜豉油，正到呢⋯⋯ˊ_>ˋ

好軟好滑！もちもち好好味。

不過咁多，吔唔吔得哂呀？有D worry禾！吔唔哂唔打緊，煎腸粉一樣好好味嘅啫... ^_^

弊喇，娃娃又話減肥？(爆)

嘩嘩嘩嘩！（◎＿◎;）

原來，卷左十？條，全部食得哂！

一大一小重要爭食。嚇死人⋯

Just like a 猛獸⋯⋯⋯

哈哈。

圖下係我用嘅米の粉です！

給你們參考。

希望可同身在異地嘅你，都可享受家鄕小吃吧。

多謝各位。

脆脆麵包乾(方包版)

話説也加子大病左一場，病前買左一袋方包就只吔左一塊，之後就冇人郁過袋包，因為冇人服侍我家D大帝，所以冇人吔囉。

結果袋包真係掟死貓，開左口，變得又乾又硬，真係食之冇謂，棄之浪費，典缐好？

嗯！將袋方包變身。

齊來試試我個脆脆方包乾(Rusk)啦！只要你鍾意食多士的話，我想你一定喜歡。for小朋友做茶點，新年用來招呼朋友一様咁有睇頭。嘻嘻！

脆脆麵包乾（方包版）

1/. 方包 1小袋（總重量約340g）

2/. 無塩牛油 120~150g。(隨你喜歡)

3/. 砂糖  70g。或再多D都OK！

做法：

1/. 將方包砌成正方形，長方形，乜都會得。我嫌麻煩唔想洗咁多嘢就用鉸剪剪。牛油就放入微波爐丁50秒至液體狀態。未溶得哂就再丁20秒。

2/. 焗爐預熱160℃。將1放入焗爐焗30~35分鐘。（途中可將各包片反轉再焗）

注：焗完後攞出來睇下包中間位置有冇少少焾焾地，有就再焗多5至10分鐘，焗到乾身，脆為止。但切忌焗𤓓禾！

3/. 將2倒入一個乾淨透明膠袋𥚃。分數次將液體牛油倒入膠袋𥚃，用手撹至全部包粒平均沾上牛油為止。

4/. 加砂糖入3，同樣分數次，撹匀兜勻。

5/.  焗爐預熱140℃，將4入焗爐焗30分鐘。完成！

係未好簡單呢？

卜卜脆，好香口架，送西茶一齊食，最高享受。比阿女食又唔會食到一地係禾。哈哈！

其實有時可將D砌左出嚟又唔食嘢「包皮」，都可以用以上方法變身成極品架！正所謂食得唔好嘥麻，慳家之道，你我做得到。咁就唔洗嘥錢買小吃比阿仔阿女做tea啦麻！係未？(^_^)

喺度預祝各位

新年快樂，身體健康，

年年昇職，歲歲加薪！

黑朱古力蛋糕 Gâteau au chocolat

Gâteau au chocolat

非常簡單又非常好味的黑朱古力蛋糕(Gâteau au chocolat)。同食緊軟朱古力差不多，絕對係冧人一流之選。哈哈！

❤️材料：

1/. 黑朱古力三塊 (1塊45g)

2/. 蛋三隻

(For 15cm直徑蛋糕桶用)

注◉：黑朱古力4塊，蛋4隻

(可for 18cm直徑蛋糕桶用)

-------------------------------------

❤️做法：

1/. 蛋白蛋黃分開兩兜。

2/. 用熱水坐溶D朱古力後，加蛋黃攪拌好，備用。

3/. 蛋白用電動發蛋器打成白色忌廉狀，將個兜蛋白傾側倒轉都唔會倒下就好停手嘞！

4/.  將歩驟2同3倒埋一齊，先用發蛋器手動攪勻後，再用膠刮打直介勻。將蛋糕漿倒入15cm直徑圓形蛋糕桶內。放堡墊，櫈走空氣。(倒前請在蛋糕筒內墊牛油紙喎)

5/. 焗爐預熱170度，焗35〜40分鐘。

6/. 取出後待常溫，連蛋糕桶一同包保鮮紙，入雪櫃雪一晚。吔前先倒出蛋糕可避免失手。取出蛋糕後灑下糖粉，完成！

希望您地會鐘意啦！

追伸：以下係抹茶版！

只要改用抺茶朱古力就掂了！

冇抹茶朱古力的話，用白朱古力加抺茶粉也OK！但就唔係用綠茶(not冲茶飲果種)粉禾。

呢個食譜我喺大和網上面刮來的。雖然唔係我原創，但就very好味道。想同大家share, 快D try try啦！(^_^)