半熟卵(糖心蛋)

好喇好喇，見各位咁想食蛋就同分享下如何整蛋啦!

其實也加子最叻整蛋，點解?

因為我細個讀書時成日食蛋! (°_°)

噉咁多蛋，唔諗下用各種不同方法去調理，餐餐唔通齋烚or炒咩? 好悶架麻(爆)

費話唔講字，先去片!(^_-)

【材料：】
 

1/. 蛋(中size) 要常溫果隻。一樣三至四隻最理想。一隻都得，半隻唔得!(爆)

2/. 水----- 同溫泉蛋一樣，先量水量。冚過蛋面就得喇。

做法：

1/. 放蛋落水中， 量好水量。

2/. 取出生蛋，放一茶匙塩。將煲水煲至大滾!

3/. 滾後，開蓋，用湯殼溫柔地放蛋(爆)，因為呢個步驟如果蛋殻裂左就冇得玩。唔同溫泉蛋。
 

 

(Sorry今次唔記得影相，就用返上篇果幅図啦。)

4/. 放齊蛋後Set時間掣為6分鐘。絕對唔可以有偏差。
(冇timer嘅朋友，手機裡面有呢個分唇嘅，自己搵下啦!)

不用冚蓋，見差不多滾瀉的話，教細D個火都OK!

5/. 六分鐘後馬上將蛋移到笊基裏，即刻用水喉水沖到佢變常溫為止。 要一路沖水一路搖，蛋與蛋之間互相撞擊，就自然會裂開。

6/. 準備食得嘅凍水一盤，在水中摵蛋殻。

7/. 蛋們上水，吔得喇!　━━━ﾟ(∀)ﾟ━━━!!

▼呢隻我用左大size嘅蛋，砌開裏面就係咁嘅!( ´益`)hihi....

▼呢隻係細蛋，熟DD，但都好靚仔。(　･ิω･ิ)

不過用來做味付嘅可能唔夠理想，就咁食可能會好D(*´ｪ`)。

結論：中size會最fit! 

▼用來伴飯吔，即刻昇價十倍。(笑)

♡o━━━ﾟ(∀)ﾟ━━━ o♡
 

【注意事項】

1/.如果趕時間唔得閑癱熱D蛋的話，用40度䁔水浸一陣啦!

（因凍蛋殼受熱會爆裂） ( ´ﾟдﾟ｀)

2/. 因為下個步驟會分享整萬眾期待嘅味付半熟蛋関係(笑)，你地可能會覚得今次個蛋黃會太生。但想提，如果唔係呢個level, 就做唔倒味付果隻。想食熟少少嘅朋友，自己因時間上水啦。

★食蛋心得：
 

半熟蛋可伴沙律吔，又可放湯面OR通心粉各樣一齊吔又得! (*´ｪ`)

放湯麺食嘅朋友，隻蛋唔洗砌開，原隻上，因為怕漏得太多餡。
見議食蛋時用羹食，先咬一口，再加D湯倒入蛋黃裏面一齊吔，頂! 諗起都肚餓。(爆)。

呢個食譜可能同N年前post過嘅有D唔同，方法有好多種，每年都會改良D，希望可越來越精簡。

~☆~☆~☆~☆~☆~☆~☆~☆~☆~☆~☆~☆~ ~☆~☆~☆~☆~☆~☆~☆~☆~☆~☆~☆~☆~


 

◎豆知識：
 

1/
.問：煲水烚蛋時何解要落塩?

答：　因為會易揻殻D ! 

（想知詳細解說就要請主修物理系嘅皇帝同大家分析）（爆）

2/.
問：點解要在水中去殻?

答：有水沖入蛋殼裏，殻同肉就會有空quick, 就會痴得冇咁実，而且去蛋殻速度極快靚正! 摵出來嘅蛋又唔會比指甲桔到凹凹凸凸。 

最後將盤蛋殻水倒落笊基，掉! 蛋殻又唔會四圍彈，醒耶!

⚪昔日回顧:(可skip)　(*´ｪ`)

其實以前嫁左來大和，每日在家R爛腳無事幹，未得閒開電視睇下日版"褲裡生滋"呀(爆)，去書局打下書釘，再唔係就上網揾料找食譜咁囉。

不過上網睇，見D人好很勁，但又唔係個個都鍾意同人分享禾，就算知都唔會話你知，齋放相，証明自己識整or如何勁就算! 或者將個食譜寫到簡單複雑化。

唉! 其實可能人地唔係唔想寫嘅，只係怕寫完後比人話認屎認屁扮原創，其實抄人地D料。  

(無錯! 我擺明喺度玩緊單打架喇，點唧?!）哈哈哈

參考係人都會，但我會親自試完後再改良，之後先同人分享。唔分享，大家未唔會進步囉? 做人點可以咁自私呢? 嘻嘻( ´益`)hihi....

想當年，可憐的我除左可以問自己阿媽同財神，重可以問邊個呢? 未唯有自己左試右試，狂做実験囉。（係皇帝慘D啫）(囧)
 

係呀，我係咁死固執架喇(~_~;)，

煮一碗公仔面我都要執到最樣好先上枱比人食。目的唔係只為影相(爆), 而係見倒食果個，未食先開心!♥

 

祝各位成功。♥ ～（´₃`)