2013年9月26日 星期四

白汁明太子焗薯蓉


(*´ェ`) hehe…
 
尋晚煮完兩個餸覚得dry dry地、之後就想整多味伴菜吔啦、
喺雪櫃裏面求其搵倒個薯仔、腸仔各様、
就決定用呢啲乗余物資、求其諗咗味餸出嚟。
 
做法簡単、前後兩三吓手脚都唔洗3個字就夠掂喇!
 
整完焗完上台、皇帝同娃子見倒重鬼咁歓喜!
皇帝知我最近巳進入趕稿状態、忙到爆、
就叫我啲料理一切従簡唔洗咁認真(笑)(甜)
 
 
講真呢味野、
個様真係握得倒人架(爆)。
 
唔講唔知以為你整得好辛水辛汗嗰隻、
其実求恋其到爆!
 
拿、不論你係未処予求恋期都好、
用嚟招呼朋友or自己一条友吔都一様咁啱架。
 
去片!
( ´益`)hihi....
 
~☆~☆~☆~☆~☆~☆~☆~☆~☆~☆~☆~☆~
 
 
◎ 材料: 
 
① 薯仔…………1個(細嘅)
② 鮮奶…………200ml
③ 牛油…………15g
④    低筋麵粉⋯⋯1湯匙(15cc)
⑤ 腸仔...…...……2条(用嚟做八爪魚嗰隻、細Size)
⑥ 糯米粒…...…適量
(搵唔倒的話可用pizza芝士代替)
⑦ 明太子醤……一個
(冇的話成條明太子上,用羹壓出魚春)
⑧ 面包糠(乾身果隻)………適量 
⑨    芝士粉..........少少
 
◎ 調味料: 
 
鹽、黒胡椒………適量。

做法:

①薯仔去皮切薄片(5mm)、平舖放在碟上(for oven用嘅碟),再灑下少少塩同胡椒粉。
[注意:鐘意食薯蓉嘅朋友可將以上步驟做完後可在薯仔面上噴少少水,原碟蓋上保鮮紙,再放入微波爐丁4至5分鐘,取出,壓爛。]

② 腸仔砌片,鋪在①上。

③ 灑下糯米粒,加少少芝士粉,最後吱D明太子醬上去(如圖下所示)
 


④ 將牛油丁溶後,加低筋麵粉1湯匙(15cc),用匙羹撹成糊狀。

⑤ 鮮奶倒入煲裏(細煲為最佳),落④,撹匀後開中火,見煮到開始杰杰地後,再轉慢火,加少少塩(用手揸一執果隻),熄火。

⑥ 將以上白汁倒在③上。在加少少明太子醬,灑上麵包糠。(如圖下所示)


⑦ 焗爐預熱好後放入去焗到個面有微微地金黃就完成喇!


因為我果個焗爐係全自動嘅關係,所以唔知用幾多度(爆)。以我經驗,一般來說,180至200度焗10分鐘都OK。因為我唔鐘意太乾&爖。(焗爐火力有別,只供參考。)

⑧ 取出,加少少鬼佬芫莤,灑上紫菜碎,撹掂!




▼ 呢隻就係我用嘅明太子醬喇!for 2人前。其實係本來用嚟落意粉食嘅,不過経我動動腦筋後又多一個食法喇。哈哈!


▼ 拿,有哂紫菜喺𥚃面,個醬一個for1人分量嘅。


我知市面上有D明太子蛋黃醬賣,但我唔見議用佢,因為蛋黃醬係用油整,用佢嘅話成碟嘢就會好油利,唔多好味。

▼ 糯米粒。我整雞球時成日加少少落去撚,好正!不過重有好多用途,鐘意糯米嘅朋友不妨入貨啦!
如果搵唔倒糯米粒嘅話,可用pizza芝士代替,一様好味!


▼ 因為怕肥但又要食,所以我用左隻低脂奶。呢隻低脂奶好好味!唔同一般果D師姑尿咁淡而無味,值得一推!♪(´ε` )


▼ 好了,又繼續返回我個巢穴裏趕稿喇!
趕稿我慣左一定要卸哂妝,因為皮膚唔好、所以⋯


This is a ⋯
素顔四眼超全面睇!
唔洗點撹都夠嚇鬼。(爛)

 
VIDEO testing:


2013年9月25日 星期三

2013年9月24日 星期二

娃子的9歳生日會

娃子生日會終予圓満結束喇()
好多謝各位哥哥姐姐、EE督督嘅祝福。小娃子感激不盡呀。

 
今年嘅生日會真係由星期六食到星期一、傻咗‼ 娃娃応該好満足啦()
首先、今朝一早就無啦啦有人按門鐘搵娃子‼ 

 
睇睇係乜水啦?原來係娃娃個朋友喎。
▼ 通話機。


因為今日係日本嘅公衆假期唔洗返學、所以朋友媽咪特登咋車車自己個女嚟搵娃子、之後将生日礼物連信交俾娃子。佢個朋友真係唔話得喇… 
而家啲細路真係有哂自己圏子、有哂自己主義、再唔係以前咁拾拾吓架喇()
到左下午用膳時間。

 
娃子要求我整個有温泉蛋加生火腿嘅香蒜意粉。
好!你生日、大哂架嘛。就聴你點一次啦。 

呢個女呢.... 真係咀挑到爆。


拿、第時阿媽老到行唔郁想食個咸蛋肉餅嗰時記得整俾我食呀()

 
▼ 娃@好開心。


▼ ご馳走様でした。(我食飽喇)


到左夜晚、又係娃子嘅注文。

今次唔食西餐、要食泰國野()

不過好在佢前兩日巳経同我講定、我先有時間去買香草咋、你估我真係開餐廳、臨時臨急乜都嘔倒俾你嘅咩!?() 

 
▼ 拿、我而家準備緊喇。知唔知係咩呢?


▼ 出場喇‼ 就係泰式香草炒鶏肉囉。佢重要我加蛋!娃子你今日巳経食左兩隻蛋、今個星期唔準再食喇(爆)。


其実呢隻炒肉粋我覚得辣少少會正啲、
但因為自己皮膚唔好、少辣會好啲!再加上娃子又要食、
我巳経軽手咗好多架喇。´益`)hihi....

最後、到皇帝出馬‼_) 



今次娃子本来要求我整個薔薇味嘅生日cake俾佢嘅。
ok!我都応該整得倒嘅、但點知無啦啦屎窟痕話想要個薫衣草芝士蛋高喎!
(-_-

 
吓?唔好玩喎阿女… 
咁難度高嘅野、阿媽做唔倒囉。

最後、阿也四孝老豆皇帝決定挙手自薦要整‼ _)

 
嘩!皇帝好耐冇整甜品俾我地食喇… 

 
今次居然為咗阿女乜都肯整!都話阿女講一句好過我講十句架啦。
如果我生日時要皇帝係噉依整杯薫衣草茶俾我飲嘅話、
佢可能只會叫我自己去厠所搵()

拿、冇花冇假、等娃子瞓咗後、皇帝就去厨房度洗出真工夫、啲食用薫衣草全部自己買的、之後自己煲自己煮自己諗材料、試味各様。你地唔以為網上有寫有教喎、冇架!全部自己諗。



完成後…

皇帝努力地画娃子()、重寫埋中文。哈哈哈~ 

 
▼ 亀亀昅到実、以為有自己份噉(笑)


▼ 嘩!主角出場、開心到爆。亀亀妹妹都一斉出席喎!
但亀妹麻煩你啲動作唔好太大、因為你毛多呀知嗎?()

(其實我唔識點放短片上來。因為見一一妹妹個video真係好sweet, 所以好想同各位分享的。但試過,都係失敗!)


▼ 許個願先! 
但睇嚟娃子重未知道個芝士蛋高其実並非普通芝士cAKE


▼ 切cAKE。今次都係唔多夠力、下年応該得架喇()



▼ 嘩、娃娃你EAT YOURSELF? ()


▼ 娃娃終予發現咗!! 薫衣草呀。好正呀!
重笑到差啲噴咗出嚟天。(爆)


▼ 皇帝都笑自己係天才()。真係飽死荷蘭豆()

▼ 真係薫衣草芝士Cake、唔係講笑啵!




9年前嘅今日、媽咪難産、要用咗27個鐘頭先誕下娃娃。
媽咪生你生得好辛苦架、記得要孝順父母、唔好學壊呀。
祝娃娃生日快楽、身体健康❤️。

2013年9月23日 星期一

大食い日記。

今日係娃子9歳生日、連続同佢慶祝左3日、個胃真係有啲頂唔順。
阿女生日前幾日、娃子都未開到口想要啲乜、財神巳経含含声寄哂啲礼物嚟喇。
有啲食得、有啲著得、有啲玩得、又啲又睇得嘅!
総之娃娃真係要乜有乜、只係唔曳得!()



第一日俾娃子咋旗去食意粉、不過今次想食嘅唔係香蒜炒意粉,而係茄汁底嘅海鮮意粉禾,真R頭。

皇帝的。





其実娃子真係唔同一般嘅小朋友、鍾意食茄汁OR白汁底、硬係鐘意大蒜‼ 係未奇怪?
一碗蒜頭辣椒油撈飯、真係食倒兩碗架‼ 不過我当然唔會俾佢咁做啦。想当年我未生娃子前真係點食都一定唔會超過50㎏。而家?唉~ 
所以娃子你都係唔好去到咁盡、怕你似阿媽呀()
不過你牛一、就俾你食埋呢幾日啦。(*´ェ`)

▼ 早餐、首先俾佢試食左包想食好耐嘅香港即食面。真係好正呀()


▼ 午餐、俾佢咋旗去食西餐意粉各様。


▼ 生火腿Pizza係娃子至愛。


▼ 我就永遠愛食忌簾鶏肉焗飯。


▼ 呢杯babycino真係好好味呀!


嗯!
一一妹妹真係冇介紹錯。
´益`)hihihi....

 
▼ 行左陣街四囲買。之後又輪到晩餐。

Am.....Sorry、
其実我係想影月光(爆)
 

麦記老実講少食。
但久唔久食吓、確実搵返唔少童年時嘅美好回憶架!() 
娃子話夜晚要食麦記嘅カシャカシャ薯條喎。
 
(唔知什麼香菇味喎、米講小、真係幾很正!)

哈哈哈

唉!未是但就吓佢囉、冇幾何架喇。
費是一陣話人地啲小朋友有得食、自己就冇得食冇話題埋唔倒堆啦()。堅架! 






翌日、又係食!(爆)(爆)
♡o━━━゚(∀)゚━━━ o♡

因為除左食、冇野俾食更開心。哈哈哈~
也四孝老豆皇帝一早就同娃子訂咗台、準備帯娃子去食和牛。但我睇其実係佢自己想食多啲()。( ´益`)hihi....

娃子叫左個頂級黒毛和牛、成份食哂加湯、沙律、甜品、茶全部清哂!之後重要試埋我同皇帝嗰啲啲。一般嘅女仕真係唔夠娃子嚟架!

▼ 真係正到以為自己影緊宣伝単張咁囉。(*´ェ`)



▼ 你睇佢食到幾冇儀態‼_)


▼ 唉也~ 唔洗我執相都知佢好幸福啦‼?()(*´ェ`)






▼ 好精美嘅甜品。和風!

不過溶左少少。影相嗰個手脚慢囉!唉~_| ̄|●
 
 
▼ 123笑! 


▼ 店外重養左啲魚、不過我影相時啲魚硬係要跟住我、唔去娃子嗰辺、知道跟住細路仔冇野食頂啦()




▼ 夜晚、試吃即食curry飯。
 
▼ 真係変咗日本Curry飯喎。


鐘意日本Curry飯嘅朋友、試吓無妨喎。
不錯呀(笑)。

▼ 食完個Curry飯其実都好飽吓。
之後重加多個飯後甜品。哈哈!
呢個娃娃全餐、問你想Kau喉未?(爆)´益`)hihihi....




其実講様野你地知、
娃子喺我個肚裏面嗰時巳経好大食架喇、我駝住佢、一日要食六餐!十個柑()、老爺嗰時隔日就要去蔬菜市場踩単車去台箱柑返嚟俾我。唔洗幾日又成箱冇哂()、係未好驚??

今日先係娃子嘅正日生日、胃薬吃埋今晚唔洗食喇()

つづく