我喉左好耐先影倒架！因為呢度長期零下。😩🌨🌨
喺北方內陸區生活嘅我，喺度講吓少少溫馨提示啦😋⋯⋯
如果見倒呢個雪嘜，唔單只話你知外面凍咁簡單，其實架車係話你知路面開始結冰，危險，開慢少少＆唔好急停。如果喺我地呢度，就代表換雪軚時候到了⋯ 特別喺朝早，路面會特別跣，因為空氣中有水份，就算冇落雨都會結冰的，所以大家冇乜必要都少開車了。😩
另外，有少少大和人防寒貼士希望可以分享吓。😊
坐緊寫字樓嘅朋友，著乜都仍然覺得凍的話，可以用張毯蓋住膝頭呢D關節位，肩頭位，腰位就塾D野坐，即刻會暖好多的。瞓前可浸浴，冇浴可浸腳。
◎床鋪：毯，人，羽絨被。
人在中間，即係人瞓上毯上。
◎腳趾頭瞓唔暖的話，可將腳趾張開，屈埋，張開，好似用腳出包揼包揼咁做30次，抖陣又再來，血液循環好左之後就會變暖。
◎床頭床側有窗位，落完窗簾還有寒意的話，可在玻璃面封上bubble膠紙，有bubble位向街，滑面向屋內，實驗證明可暖兩度的。
◎出街前飲熱嘢，食D澱粉類東西。氣管有敏感朋友可帶口罩。
衣物：
◎帽要蓋耳仔，頸巾圍兩個圈。
保暖㡳衫要貼身，長度要蓋倒半個屎忽。
◎外衣見議著有領抓毛衫，暖D！之後再加普通衫，如果冚過pat pat最暖。(加強版可在肩頭位置鋪條圍巾)，最後羽絨外套。
✴︎再怕凍的，可加羽絨背心，背脊同腰位可貼暖包在底衫面。
◎下身：
可以穿防風長褲，裏頭有抓毛的。冇就legging加長褲啦！鞋底要厚，襪底要厚身，長度是小腿至膝蓋下，穿boot(腳眼關節位置忌外露，必要時加襪筒包至小腿，幾型架😎
只要做足以上功夫，以我經驗應該可以頂倒零下十一度都冇乜事。希望大家啱洗啦😋
《歡迎分享》
沒有留言:
張貼留言