2013年10月8日 星期二

也加村長投訴熱線

唔好意思、
呢篇搵唔倒相、齋字。

冇時間睇嘅朋友、返到屋企先睇啦!(爆)

最近娃子放學時日日都鬼噉遅、
人地一年班、二年班嘅學生都巳経返到屋企乜時、
但我個女就重喺回家途中同啲朋友喺度HEA住行、
蟻欄噉… 
激死未?|||-_|||


我都知、回家路程真係好遠、
以小朋友速度嚟講、快則40分鐘、慢則1個鐘…
但娃子放學後重要喺屋企裏歎茶食餅、
之後重要帯佢去上公文、
放左公文返嚟又要食晩餐、做功課、真係戥佢惨。(。-_-。)

由予佢毎日度住歩咁行返屋企、都9歳咯、
鬧佢都唔會聴架啦!?

咁點好?
佢咁胃食、用餌引佢囉!(爆)

拿、好簡単。
只要你3点半前返到屋企就有朱古力食!

嘩!即刻開眼。
( ☉_☉)



好嘞、娃子真係毎日跑住咁返嚟、
成身湿哂、唔講唔知以為佢跌咗落河(爆)。 

但最近、佢趕唔倒3点半返嚟、
冇得食朱古力、發爛咋。。。(☄ฺ◣д◢)☄

我問: 点解有得食都跑唔切返嚟呀?

娃答: 個男班長同佢啲朋友一路行一路玩樹葉、樹枝、
我地啲女仔一爬佢頭佢就打我地、之後蹴我地啲書包各様… 
我同佢講左要返公文所以要趕住返屋企、
佢地乜都唔聴只顧住狂打我個頭、咁點呀?

我: 咁你有冇同先生講吖?

娃: 有、先生話任何情況下都唔可以爬班長頭喎。

我: 噉你有冇同先生講佢地一路行一路玩、之後又打你先?

娃: 有、但佢只講係任何情況下都要聴班長話、所以佢停喺度抖、
我地都要停喺度等佢行。

我: 。。。 


翌日放學時間、我滾住去学校搵先生(娃子班主任)傾計。

先生老遠聞倒我陣味、
即刻却歩。

我: 吉x先生你好!有事想搵你解決、未知你而家方唔方便?
吉x先生: 好呀。

我: 最近阿女放學返屋企好遅、我又要帯佢返公文、真係好頭痛、
問咗阿女原因、原來佢地個班長欄住唔俾阿女行。。。。。。(下冊千字)

吉x先生: 吓!真係有咁嘅事?
我: ..... (反眼) 

吉x先生: 娃子、拿、以後有啲咩事記得第一時間話俾先生知呀、明白嗎?
我: 娃子、你尋日唔係同我講咗話件事先生巳経知嘅呢咩?

娃子: 。。。 我。。。。有講呀。。。
吉x先生: 係囉、你同辺個先生講咗呀?

娃子: 我個班主任囉。
吉x先生: 你個班主任?未即係我囉?

娃子: 係呀。

我: 。。。。。咁件事先生你知唔知嘅呢? (R爆頭)

吉x先生: 哦、原來你尋日喺小息時講嘅係呢件事!先生而家醒起喇。。。

我: 。。。 (我。。。你老。。。。)

吉x先生: 我明白喇、西多太唔好意思、可能我当時忙緊做其他野冇留心聴娃子講野、
真係唔對唔住呀、哩件事就請交俾我去辦啦。 拿、娃子、聴日返學上堂前記得提先生
講返呢件事喎、先生怕自己唔記得、我一陣返返教員室時會寫返MEMO提自己架喇。



想問、
①先生今朝你記唔記得自己食過啲乜呀?
②你一陣識唔識路返屋企呀?

(。-_-。) 汗


好記得、今年4月做家訪時、先生問我對予娃子学校生活有啲咩問題想問?
我就喺啲大和阿媽口中収集過情報、話娃子班有男同學帯Cutter返學玩、
上堂時就攞啲Cutter出嚟同其他同學比武。乱咁揮、重差啲整倒同學。
( ☉_☉) 不過聴聞先生即刻在場渇制佢地、最後冇事。但呢兩位壊份子
日日新鮮日日甘、唔係Cutter就交剪、所以就呢件事件問吓先生點睇。

吉x先生: 係咩?有咁嘅事咩?唔係下話、
可能佢地秘密地喺櫃通底玩而我又唔知頂啦。。。(汗)

我又好奇怪咁同先生講返、

我: 唔係喎、我聴朋友媽媽講話先生你応該知呢件事、如果唔係班學生
都唔會停手啦。

但先生一直継続強調自己真係唔知呢件事。
問娃子、娃子又話唔清楚、因為佢做緊堂課。。。

我都有同皇帝講過娃子班有同學玩Cutter、
但皇帝又話我聴錯是非収錯料。。。

事隔差不多大半年、
我而家先知、原來我収嘅料係正確嘅囉!!!!

我唔係怪獣家長乜春都投訴、
只係人家打你、你冇理由重同佢講句唔好意思兼多恋謝姐?

~☆~☆~☆~☆~☆~☆~☆~☆~☆~☆~☆~☆~



明日、我又要去学校数返呢単野出嚟、
因為好左一排、個男班長今日又嚟發癲!(☄ฺ◣д◢)☄

今日又継続搵樹枝嘔打娃子、打頭、嘔脚。
不過好彩娃子今日著長褲。走得快、冇損傷!


如果個先生継続軟皮蛇、唔理唔彩的話、
就請唔好怪我、
我要直接向訓導投訴、向男班長訓話。




另外;


今日又収倒個癲婆向我也加村長投訴。。。
( ̄ロ ̄lll)

話最近阿梨成日喺上學途中停低飲水HEA、
佢個仔本来就想快啲返到學校、但無奈要等埋阿梨同成班人、
忍無可忍圧力巳爆煲、所以独自跟其他隊返學。

但因為学校唔俾噉做、一定要佢跟返自己条隊、
阿仔毎日好困苦、叫我請正視呢個問題。

( ☉_☉;)

我問: 娃子、你地飲水飲幾耐?
娃答: 2,3分鐘都冇、飲完即刻走、又冇傾計各様喎。。。

|||-_|||

等嗰一陣間你個仔就忍唔倒好辛苦、
有幾辛苦呀? 人人都係咁等、又唔係得你一個係噉姐?
什麼叫団体行動呀?你地大和人唔係従小就有學嘅咩?
洗唔洗我同你温書呀?

拿、一係你個仔就唔好跟隊返學喇、
你老母車佢返學好冇?

佢巳経唔係第一次、
而係一個月一次、最初重勁、毎日。 內容全部一9様!


你老。。。唔応該嚟搵我、
係応該去搵精神科!







 
















沒有留言:

張貼留言