ひな祭り2015

3月3日、大和嘅女児節（雛祭り）

記得兩年前嘅雛祭り、因為懶嘅関係(爆)、最初冇打算擺個お雛様（日本人形）出嚟、

點知臨雛祭り前一日奶奶打電話嚟搵娃子、問佢個人形卡唔卡嘩児？( ´ 益 ` )hihi...

娃子答奶奶；

”冇呀，今年冇擺公仔出嚟禾，其實お雛様都唔卡嘩児嘅。”

奶奶：吓？！(◎_◎;) 點解唔攞呀？點解唔卡嘩兒呀？你咁講雛様会唔開心㗎！

娃子：我覚得お雛様啲様好恐怖(￣〜￣)、好得人驚。我啲同学話呀、

其実お雛様係有生命、佢地啲頭髪毎年会自己生長㗎。（驚）

奶奶：你有冇度過お雛様啲頭髪係未真係有長到先？

娃子:  唉、我根本冇勇気行埋去睇清楚囉。

(爆)

奶奶馬上把娃子鬧爆咗…

（十級怒）

之後我同皇帝都一同受挿！重要即刻喇喇声三更半夜巣返個お雛様出嚟、

擺陣、影相附當年日暦、再写メール（付図片SMS）比佢做証明…

咁可想而知啲上一輩対呢個節日幾咁重視呢。

(囧)(囧)(囧)

好喇好喇、

今年我地真係有放㗎、不過放兩層。上層人形，下層貓釘(爆)。

唔信你睇吓啦(笑)。

因為皇帝最近晩晩冇11點都唔返屋企嘅関係、

喺前一晩, 廿四孝老豆巳経整定個”桜餅-道明寺”比娃子FOR女児節之用喇。

↓ 下面呢盤係道明寺（糯米）、浸緊暖暖糖水半小時、備用。

問：道明寺點解唔直接叫糯米呢？

答：道明寺同一般糯米不同之處、就係個製法唔同。

道明寺嘅糯米就係先将一般糯米蒸熟、染色、熟左之後再封乾、淆碎佢成粗粒、

咁先叫做道明寺。整桜餅時就再將佢蒸返熟還原返…

所以食起上嚟同一般嘅糯米有啲唔同。冇咁爛，質地比一般嘅有啲咬口、延身少少！

( ´ 益 ` )hihi...

↓ 浸完、蒸緊（30分鐘）。

蒸完後取出、嘆凍少少。

呢個道明寺由頭至尾都係皇帝做嘅。我就負責睇同食！

( ´ 益 ` )hihi...

↓ 多多包咸！

↓ 桜花葉。

注：買現成嘅、not自己摘。(爆)

買時係用塩腌住咗嘅、用時就浸返淡佢。

但今次呢包桜花葉老左(硬啲)＆大塊左少少、

↓ 包完個紅豆饀之後包葉。

因為巳経差不多2:00am嘅関係、

包到冇乜心機(爆)。翌日又要返工、皇帝都好辛苦㗎。。。

D葉真係太大塊，有啲衣不稱身(囧)

奶茶怕我大懵唔記得幾時係雛祭り、又嚟提提我喇！真係細心。

( ´ 益 ` )hihi...

買完餸、回家準備晩餐。

呢個桜花型嘅腸仔係未好靚呢？我同啲師奶死鬥爛鬥先搶倒返嚟㗎！

有咗佢一碟普通嘅爛鬼腸仔即刻昇価十倍。( ´ 益 ` )hihi...

(笑)

切咗出嚟係咁嘅。卡嘩児嘅呢！（❤︎。❤︎）〜♪

↓整緊波菜蛋批。

 跟龜龜学師、搓麺粉！(笑)  先做咗個批底。

↓ 預熱180度焗25分鐘、得左。❤︎

↓ 因為個皮有啲乗咗出嚟、所以求其用佢嚟做咗個芝士餅条喇。

好好味架！送紅酒一流( ´ 益 ` )hihi...

↓ 又係啲屎忽鬼野。

一個魚蛋只要加少々工夫、即刻可以売貴少々。又係握人技両囉…

不過買果個（消費者）又好樂意喎(笑)！

↓ 波菜蛋批焗好咗喇！呢個料理材料唔係貴、但做出嚟嘅効果真係好大体。

次次派対必備。(⌒▽⌒)

↓ 奶奶寄給我的魚糧。(爆) 

講笑、佢叫做お麩。質地其実同魚糧差唔多(笑)、

其実係放湯用嘅。 味噌汁又得、澄まし汁又得。

至於點用？浸水後揸乾少々、之後放落煲湯裏麺滾兩嘢、食得㗎喇！(笑)

↓ 成個晩餐完成喇！

↓ 散し寿司。因為最近花粉症好勁、唔食得海鮮。所以唔用蝦蟹，

改用蟹柳(爆)。

（海鮮呢様野、戒食唔戒講）(爆)

↓ 桜花型腸仔変身！YEAH ♪ 

 

↓ 澄まし汁。（鰹魚清湯）

↓  いただきま〜す(^O^)(o^^o)

 

↓ 雖然皇帝未返、但我地食先喇。ごめんね！

（＾_＾；）

↓ DADA做嘅桜餅〜道明寺。

咸咸地、甜甜地... 

我媽子最愛。(⌒▽⌒)❤︎

↓ 嚟！龜龜。 

快啲同娃娃姐姐影張相比媽咪交貨先！ 

唔得呀！

因為我地啲人類食哂飯、但龜龜未開餐。(爆)

sorry sorry ! 

↓ 喂猫先(爆)。不過佢都幾咀彫！

次次都要問吓佢食肉定海鮮㗎。(爆)

 

龜龜、你cher到頭都禿喇！cher完未呀？(爆)

↓  嗱！

最後撻落地狂典呢個鯉魚翻身動作就代表拍板㗎喇！(爆) 

↓ 龜：唉！做咗咁多吓動作先有得食、真係未食先做夠本... 

搵笨拙嘅！

祝各天下女兒女児節快楽！

ヾ(＠⌒ー⌒＠)ノ

追伸：太耐冇打blog, 要用好耐時間先打得出D字。因為我唔係用中文輸入法，只用日文漢字拼、所以成日唔覺意打錯字。打完又要check無數次，一篇blog真係得來不易耶⋯ 

歡迎留言到我專頁。( ´ 益 ` )hihi...

人際関係科（下）

上集講到L小朋友突然反転豬肚就係屎…

令不嬲重感情嘅娃子唔知点算好。

L小朋友其実係一個幾内向嘅人。由小一開始就冇乜朋友。

只有娃子同S小朋友先肯彩佢、而且重幾情緒化。

即係話、宜家雖然天晴、但転個頭就行雷。

因為L家庭環境比一般人唔同。老豆職業非常勁秋、

不過人地私隠野費事講喇。只可以透露係勁過医生、律師咁啦！

家族有一座山、屋企4、5千呎,  花園大到睇唔倒盡頭(爆)。

由佢屋企個閘口(揸車)去到停車場都要2、3分鐘。 

再由停車場(on foot)去佢屋企門口又要2、3分鐘、大到有啲方便(爆)。

総言之、千金小姐之家！

講完家底、講佢阿媽。

( ´ 益 ` )hihi...

佢阿媽最初喺L讀小1時一知道自己個女喺新学校識得新朋友”娃子”、

就即刻想識埋佢阿媽”我”、之後本来大家阿媽互不相識、

但又為咗想知自己個女有冇交錯朋友、所以都特登約我去佢屋企坐。

目的当然梗係想査吓（我）家宅各様咁啦！唉…。

又此証明佢阿媽都係個幾緊張同敏感嘅人。

不過呢、太緊張有得未必係件好事。

雖然我認我管娃子都好厳、但原来一山還有一山高囉(￣▽￣)

記得上年春夏天咁上下、突然収到L媽嘅SMS、

話L有個鋼琴發表会快到、好担心個女彈得唔好、

問我可否幫忙比啲意見佢個女喎… 之後又希望可以聴吓娃子啲琴技、

参考吓… 。

嘩！

佢咁要求、即係話不請自来、

一定要嚟龍屋参観啦？！(囧)

人地住慣大豪宅、我地呢啲猫毛又多塵又大嘅豆腐潤、

会唔会整汚糟人対襪呢？(爆)

一就収倒call後即刻将屋企裏面啲雑物全部用3分鐘時間掟哂入大櫃(爆)。

之後用紙拖板狂掃成間屋(因為無声)、猫要入籠！

皇帝就即刻搵返條褲着(爆)。

攪完間屋之後佢就啱啱好撳門鐘喇！(◎_◎;)

BUT、

我個様未執頭未吹&做緊四眼龜。珠鏈又未掛上身(爆)

算啦！

人地聴娃子同皇帝意見啫。(爆)

聴完娃子彈琴後、L媽即刻當住阿女面前話、

”唉！真係完全唔同感覚。

可能我真係唔識音樂啦、娃子真係彈得好好、

如果我個女有娃子一半咁叻就唔洗煩啦…”

L : .........   (様子有啲灰)

之後佢阿媽即刻叫L彈比我地聴、睇吓有邊度要改善。

講真吖、

真係硬咗啲。不過見L真係好聴話、一講即明又即刻改返好、

好聴話、又好精霊。呢個小朋友真係易教(⌒▽⌒)

半年後、

娃子同L、S、M三人一斉玩交換日記。

内容当然係只有佢地3個先可以睇啦！

不過娃子又肯比我睇吓佢地写乜喎、咁你比得我睇我梗係睇啦(爆)、

做阿媽有邊個唔八掛至得假！？(爆)( ´ 益 ` )hihi...

喺L小朋友一則日記裏面、我八倒佢講話；

〜〜〜〜〜〜〜〜〜〜〜〜〜〜〜〜〜〜〜〜〜〜

” 最近我好唔開心。無論我幾努力做任何事、

媽咪都覚得我唔盡力, 又話我做得唔夠娃子好。

究竟媽咪幾時先肯賛我呀？好攰喇。”

〜〜〜〜〜〜〜〜〜〜〜〜〜〜〜〜〜〜〜〜〜〜

各成員回答：

S：你做乜都咁好、我地知道就得啦。

M：唔好理媽咪話乜喇、総之你見倒我地就可以開心一斉玩！

娃：加油呀、有我地支持你、唔好唔好開心。☺︎

睇完啲小学雞回牛言真係好攪鬼(爆)

当然我睇完只会点個頭話佢地回得好咁啦、

冇話鬼佢地低B！一陣唔再比我八未奶野囉？(爆)

事後、其実我都有分析過覚得宜家L行為有変、

以娃子為敵、原因全部係因為。。。。。。。。

佢阿媽！

L小朋友想要乜就有乜。想去外國旅行佢阿媽可以即刻同佢起程！

想学乜即刻比佢学、但唯独是得唔倒阿媽嘅賛美。

真係真係講到牙血都出。。。

先自声明、我唔係育児専家、但真係好想講…

① 唔好搵人地個小朋友同自己阿仔女比較！

② 要比就同昨日嘅阿仔阿女比。

③ 做衰咗要話、但做得好時一定要賛、

④ 唔好係又賛唔係又賛。否則唔吃香(笑)。

身教好重要、特別係女仔、

阿媽係八婆是非精、個女都会覚学足。因為唔学你学邊個？

唉、

点解大和咁多欺凌呢？

你睇我條村啲老母有幾西就知啦！

不過当然又唔係100％係咁嘅。

所以呢、欺凌文化冇得救㗎喇。

我明白毎個家庭都有佢地自己規則、L小朋友媽咪比較厳、

所以L小朋友受圧力太大、諗錯咗方法囉。

其実佢都好可憐、希望有朝一日佢阿媽醒覚啦…

上星期， 坐喺隔離嘅L又發癲！

因為先生之前講過如果全班乖同聽話，

唔作反，喺掉位日先生就會按全班志願，

安排女同女坐，男同男坐。個個聽倒即刻勁開心，扮哂乖巧。

點知掉位前小息時有個同學曳，喺課室裏面玩波，掉倒D台櫈。

到小息完，上堂喇！

先生宣布掉位之際，L即刻舉手向先生報寸！

先生馬上審犯，但各同學梗係時運高啦。

L唔憤氣，係咁狂敲娃子要佢一齊澄清＆做證人。

娃子見四面楚歌，隔離又瘋狗症，喺唔知企邊邊之際，

選擇唔出聲，齋望住先生，扮唔知。

因為冇證據嘅関係，結果先生就繼續掉位，

而事後L就受盡各方指責，L繼續暗寸娃子冇雷(囧)

咁究竟L之後喺班內嘅命運如何呢？(囧)

手背係肉，手掌又係肉。唉…

唔係話我教壞娃子要做長頭草呀，而係首先要知L平時點對自己嘛！

做人係要有情有義，但義氣呢樣嘢都要睇情況嘅。

今次我撐娃子呀(爆)。唔知大家又點睇了？( ´ 益 ` )hihi...

終わり。

人際關係科(上)

先講返上次娃子被先生選中上台幫手為同学伴奏一事、

最後表演成功咗喇！

🔽 ご褒美。(獎勵)

唔物以罕為貴，好睇少呢包麥精呀，

要好well done 先有㗎(爆)。

娃娃話雖然當時有少少緊張，最後只係彈錯左少少，不過都算成功、

但係有様嘢令佢比較介懐…

唔知大家重記唔記得之前娃子有幾位非常要好嘅朋友、

簡稱Ｓ,Ｍ,Ｌ呢3個朋友呢？(爆)

記得之前講過M小朋友係是非精，寫哂紙仔叫所有同學仔唔好睬L小朋友，

但後來經先生插手後, 件事叫做解決左半年。

最近，

又輪到L小朋友行為有異常。

至M比各同學知佢係是非精之後，M小朋友已經做人低調左好多, 

而L就開始暗地裏反擊。

有次L主動要求同娃子，重有S小朋友一斉玩交換日記, 

anyway friend 到一條底褲3份著嗰隻，娃娃有時又會整吓橡筋手繩比S同L，

希望大家好朋友可以齊齊扮靚，點知L無啦啦同娃子講,

 ＂呢D咁簡單嘅款係人都識織啦！＂

娃娃噩然左！(囧)

隔日, 

L小朋友真係帶左條自己織嘅手繩嚟向娃子同S小朋友show off! 

當然梗係for自家用only啦！

我同娃娃講，

算啦！冇咩嘅。大家有競爭先有進步架嘛。

(不過我就覺得開始要小心L)

本来娃子冇乜嘢、覚得Ｌ小朋友好西利、鋼琴又叻，寫字又靚，校內成績又好。

(全部係真心讃)

但後來L小朋友變本加厲，變得愈來愈有問題。😔 

一月底，娃娃被先生選中幫全級同學木童笛伴奏、限期係一星期內要練習好、

因為要喺觀課日表演😱。

但L同娃娃講話：

"本來我都想試吓伴奏嘅，可惜我太多嘢學，

又覺得先生好無聊, 算啦！呢D嘢都係留返比你(娃娃)做啦。"

娃娃聽完好唔開心。😔

想為自己4年甲組班增光，但又唔想得罪L, 

全班同學係咁請求娃娃幫手, 但又對L非常介懷。

不過最後娃子諗左陣, 答應左先生, 全班同學馬上拍手。而L就還娃子一個鋭利眼神。

然後，娃子心底內暗地裏下起雨來.... 🍂☔️

每次彩排完後, 每位同學都會同娃子講辛苦哂or各様⋯⋯ 

但身為最要嘅朋友L, 居然無啦啦走埋娃娃身邊, 

之後同佢講左句＂你扮完勁未呀？＂ 

😱

娃娃覺得L好有問題，最初以為係玩吓講吓笑，

但彩排多幾次後都係咁, 重四圍同其他同學講

＂嗱嗱嗱… 又嚟認屎認屁喇佢。"

😑😑😑😑😑😑😑😑😑

到左觀課表演日，L小朋友媽媽都在場，

但因為我同佢坐得太遠，所以大家冇打招呼。

表演完大家小朋友都返返自己課室，

個個對自己表演都好滿足。又攬住娃娃大聲歡呼，

之後L小朋友又好似恢復正常咁，

又讃哂娃子弾得好好！可以替我地班攞彩.... etc.😋

一天光哂喇😌

一心諗住以為可以同L友好返啦, 點知⋯

翌日，

L又發癲PMS。繼續事事搵位駁咀⋯⋯

唉⋯😔

(PMS: 月経前症候群)

(爆)

前日，大型表演項目, 全級唱歌比六年級畢業生聽，

完事後，各同學又係咁大讃娃子勁！因為首歌真係只有先生先彈倒，

但娃娃居然成功左。其他本來同級但唔認識娃子嘅同學， 

都係因為今次而知道娃子存在。其實娃子本身都好大壓力，幾晚冇乜好瞓⋯⋯

不過娃子話, 為左我地4年級全級同學, 我會盡力💪。

到表演完，落台前，有幾個同學仔都同娃子打眼色讃好！

但當娃子笊向L小朋友時，居然比L怒啤！👀

娃娃個心酸透了⋯⋯☔️

真係想喊。不過都要繼續堅持鞠埋躬行埋禮。

回到課室，小息，午膳，體育堂⋯⋯

娃子都想盡辦法逗L講嘢傾計，不過L一樣冇理娃子。

L好似食左火藥咁，冇人敢同佢玩，全日long face! 

但到最後可能太悶，放學前先係咁依睬返娃娃。

唉⋯ 

一句到尾，小學雞！😑

不過你又唔好睇小大和D小學雞禾，

因為佢地嘅欺淩事件係全球之冠！👿

我同娃娃講，L小朋友已經唔再係當初嘅good girl了。

(傳統大和八婆是非妒忌心嘅幼苗已經開始萌芽。)

以後一定要小心L、只可以同佢嘻嘻哈哈好喇… 因為媽咪費是你傷心。

本日記就求其寫龜龜D嘢啦！唔好寫自己練琴辛苦喇，

若然佢真係當你係朋友，就唔應該話你"自慢"啦⋯

娃娃感到可惜＆無奈⋯⋯

但呢個只係人際關係残酷嘅第一課、

係人都會經歷。

呢個世界上, 有鐘意你嘅人、亦有唔鐘意你嘅人。

你控制唔倒人地思想, 人地唔鐘意你都唔好太勉強屈就自己討好人地喇、

反正呢個世界重有好多小朋友等緊你同佢地交心架！

即係話，

唔好因為一夥樹而放棄整個森林咁解囖。

不過有様值得讃嘅係.... 

娃子揀啱傾訴對象！(佢阿媽我)😌

至於L小朋友最近嘅異常行為成因，

由於太長，下回分解。嘻嘻！😎

待続…。

小學玩意—手繩

呢期娃娃的小學興織手繩，但識織嘅同學仔唔太多。

娃娃也同我講過，"如果我識織就好喇！"

哈哈！娃娃點都想不到，

佢阿媽唔單只識整袋仔車衫，重識織手繩！

不過當然係最簡單嗰咋啦！

想當年小學時我也有做過嘅⋯

於是，襯娃娃睇緊小說我為意我做緊乜時，我就織左少少，之後放上娃娃枱上⋯

娃：媽咪！點解⋯你識織嘅？呢隻花好難架禾⋯媽咪萬歲呀！

我：嘻嘻😎。除左減肥，阿媽應該可以做得到。(爆)

娃：⋯⋯(感動中)

之後，我用盡牛九二貓之力，把呢名蠢鈍兒教好(爆)，但見佢織到眼袋都深埋，結果未如理想。（下圖）

娃：點解媽咪可以咁快靚正架？我已經好比心機但都咁核突嘅？(沮喪中)

我：想當年媽咪四年班時都要練好耐先織倒一條見得人嘅手繩架！做人點可能一步登天呢？做乜都好，一定要有耐性同仔細，你剛好欠缺呢咋嘢。如果你想喺同學仔面前show off, 你就要加把勁喇！

娃：⋯ 唉！

之後又再繼續努力。

娃子做人就係冇乜恆心，織手繩係一個好好訓練，加油啦！

自家製basil paste

網友要求食譜、因為內容太長，所以唔打算上Facebook了！上blog啦。

以下係皇帝比我嘅資料：

◎Basil paste做法：

九層塔： 150g

Olive oil：200g

Crazy salt ：小2

蒜蓉 ：小3

松仁：少少

（可加兩種芝士，但因為加左唔襟放，所以skip左）

將佢全部用搞拌機打溶，即成！

好簡單呢！♪(´ε｀ )

至於尋晚我用左皇帝做嘅醬來變身成Genovese 意粉嘅做法如下：

（二人前）

◎材料：

1/. 意粉：160g

2/. 淥意粉用滾水：2L

3/. Salt: 小2(淥意粉用)

4/. 九層塔醬 4〜5湯匙

5/. 蒜鹽：適量

6/. 黑糊椒粉，紅辣椒粒少少

7/. 芝士粉：少少

8/. 舞茸，煙肉，洋蔥砌粒。

◎做法：

1/. 將材料8全部炒香(唔洗落油，中火慢炒)，加材料4至6，再兜。試味，熄火！

2/. 按意粉包裝袋上寫的時間，淥意粉。淥好後快速上水，倒落步驟1，大兜勻！

3/. 上碟，灑材料7，可加辣椒絲上面做裝飾。得左！

好簡單但好好味，以後唔想買街嗰D了。＼(^o^)／

歡迎留言到也加子專頁上。

多謝各位！☆*:.｡. o(≧▽≦)o .｡.:*☆

交友

娃子最近有煩惱之⋯⋯⋯

交友。

因為文章太長，決定打上blog, 留言歡迎可到我專頁上放屁。(笑)

話說娃子本來有3個死黨：

1/. 家養大貓的S小朋友，

2/. 富家女家有兩座山大地主L小朋友。

3/. K小朋友(1年班時曾欺凌過娃子改娃子叫春袋子的那位但其後和好)。

但上左4年班後，無啦啦殺出一個轉校生M小朋友來(中日韓混血)，加入佢地堆裏。

本來玩得好地地，但事隔數月嘅今日，M小朋友向S同K小朋友講L是非，成功離間後，最近M連同S＆K小朋友齊齊向娃子埋手，叫娃子唔好睬L。但可憐的L到現在還不知情⋯

人物介紹：

L：係一個非常有義氣但比較自傲嘅小朋友，家教好好。好文靜，忽冷忽熱。班中成績同娃子同樣是最優秀的，但L做人唔夠圓滑，經常比人覺得佢高傲，得罪人多(包括M)。但娃子就on膠膠，儍人有傻福。娃子同L兩個行埋唔係講玩乜game, 而係大家互出試題考大家，唔懂就互相指導，所以佢好少朋友，但就好珍惜友情嘅人。

M：我唔太懂佢，只知佢係街童feel, 鐘意蒲機鋪，公園＆講fashion!  好動。

S: 品性良好，有教養，好口才，同娃子由細玩到大，好動，愛貓(笑)

K：話頭醒尾，分析力高，冷靜形，心地好，有教養。但我同佢老母唔多夾。

娃子話，最近好唔開心，返學唔知同邊個講嘢好，又唔知應該埋邊堆好。同L玩，又怕冇左M黨堆friend, 但L有情有義，真係唔知想點...  

如果埋錯堆，又怕被欺凌！該怎麼辦？

同M黨襯，但暗地裏同L做friend? 

不過如果將實話同L講清楚，L一定會嬲娃子，繼而L會質問M，最後娃子會変成是非人，大家連朋友都冇得做。

雖然我唔鼓勵娃子做長頭草，但喺大和吓吓要講埋堆，有冇方法可兩存其美呢？

四年班的女孩，終於要面對大和八婆生存之道了。

18：30

今日放學後回家，娃娃同我講收到M的信。😢😢

內容話；M自己比L欺凌，所以M寫信叫娃娃同L保持距離。最後重叫娃娃回信😱。

咁當然娃子知L一定唔會欺凌M啦！內容全老作⋯文字裏重充滿仇恨，咀咒，又將L個名寫上厠紙上然後冲落厠所。🙊🙊🙊

不過娃娃同我講，無論如何佢都企硬一定會中立禾⋯👏👏👍

麥皮曲奇

好耐冇貨交了！至從趕完第三冊漫畫後，又要趕食譜。雖然唔知會唔會爛尾，any 肥盡力吧！

喺呢度真係要多謝各位對也加子嘅支持，也加子第三冊漫畫又托各位的福，幸運地登上𣈱銷書榜欄上的某位置，確實真係要乾杯乾杯！(笑)

好了，食譜雖然要出，但冇奶油將所以筍嘢全部lock實哂唔分享字姐！？香港人出名冇乜耐性架麻(包括我自己)，哈哈！正因如此，點都要嘔一個出來應酬下嘅！(爆)

今次想分享的，係一個我宵夜成日吔嘅東西！雖然臨瞓前係減肥大忌，但因為早食飯又夜瞓嘅関係，真係餓到胃都消化埋⋯ 結果又開珍珍，搵積及，更死得嘅係淥麵開五香肉丁！(冏)

大佬，咁搞法唔肥真係砌乜比你都得啦⋯ 唉，冇辦法啦！我個五行"食"字大旺了！所以要諗計仔，整D見倒唔會買，買左唔會用，用左又唔知嘅嘢！(爆)

係乜？no no no! 唔係棺材!(爆)

謎底係用麥皮做嘅曲奇嘅！嘻嘻。

毎次見倒麥皮唔會買，因為難食。買左又唔會用，因為怕麻煩！但今次用左皇帝佢地又唔會知！係未洗得先？哈哈！

材料：

1/. 麥皮 70g

2/. 低筋麵粉 30g

3/.  砂糖 20g

4/.  鹽   兩執仔

5/.  菜油 30cc (2湯匙)

6/.  水 30cc (2湯匙)

7/.  朱古力  20g 

8/.  果仁 20g (合桃, 開心果, 杏仁, 夏威夷果⋯乜果仁都得！up to u)

做法：

1/. 材料7同8先砌碎粒，備用。

2/. 材料1至4全部放落大兜裏，用膠刮搞拌好。

3/. 加油落步驟2，用膠刮𠝹勻，之後落朱古力＆果仁碎。再兜勻！

4/. 落水到步驟3，𠝹勻後，用手壓成一團，(若覺得太散壓唔成一個粉團的話，可加少少水，分量不可超過1湯匙)。

5/. 用匙羹筆起一粒直徑2cm大嘅球狀，放上已鋪好牛油紙嘅焗盤上，用手再軽軽壓扁成一塊直徑約3.5cm大嘅圓餅。（全個粉團大約可做12至15塊。）

6/. 焗爐預熱180度，焗17-20分鐘、禮成！

你地睇皇帝食到幾知音！？

哈哈.... 

呢個麥皮曲奇，係我喺日本某網站上睇返來的，並非係我原創。大家唔好誤會呀！我只係將佢譯成中文同大家分享架咋！

呢個係試過咁多個來講最簡單易做又好味嘅！成個準備工序前後唔洗15分鐘就完成。非常正斗。大家不妨喺今個週末無聊時試試啦！嘻嘻。

蝦米腸粉

喺大和呢度住，想食家鄕嘢就要自己整。不過我咁胃食，真係為左有得食都會千方百計上網大搜索！之後做無數次實驗，目的都係為左嗰啖香港味道！冇計啦，因為中菜我唔係咁瀬架，資源又缺乏，真係十萬個困(囧)。

頭先我上網喺"韋太烹飪教室"嘅blog上搵倒做腸粉嘅食譜，之後即刻開工！yeah...

(注：已問准韋太本人同意後先分享上來的). Blog link: 

http://irenechanwai.mysinablog.com/index.php?op=ViewArticle&articleId=109910

材料：

1/. 粘米粉; 150g 

2/. 粟粉; 20g

3/. 水; 450ml

4/. 葡萄籽油/菜油; 半茶匙

5/. 塩; 1/4茶匙

6/. 蔥粒，蝦米  適量

(注：在大和國住嘅朋友，我冇用粘米粉，因為冇得賣。所以改左用"米の粉"。做出來效果不錯！因為日本米比較煙韌、味道較甜，我成功了，你地都試下啦！ 蝦米：我用桜海老代替左。貪佢夠方便！哈哈)

做法：

(注：因為我懶又怕麻煩，大和又搵唔倒腸粉布各様，就自己諗左個新方法，用保鮮紙代替。卷時參考左大和人做壽司方式，所以做法同韋太做的會有D出入。)

Go!! 

1/. 將材料1至5全搞勻。

2/. 準備平底鐡兜一個，塾好保鮮紙後，掃D油上保鮮紙面。之後用湯殼撈起一羹粉漿，倒上鐡兜上，灑上蔥同蝦米。後入鑊裏大火蒸兩分鐘。

注：記得粉槳盡量薄D，但一定要填平。否則穿窿唔靚仔架喇。

3/. 兩分鐘過後，用個夾夾個鐵兜上水。

4/. 襯熱，從鐵兜裏取出保鮮紙連腸粉，一同移上砧板上。動作要仔細，睇熱！之後慢慢卷佢成一條。

成個動作好簡單，好似卷壽司咁，123,得左！又唔辣手，又快捷，so good! 

 

(注：保鮮紙請揀可抵受到140度高溫會比較理想。)

5/. 卷好後，掃D油上腸粉面，放上碟上。用濕潤嘅kitchen paper蓋好，防止佢變乾硬。

6/. 等齊各位腸粉朋友後，再軽軽蒸返熱少少。(我部微波爐有蒸餸功能的，圖中係蒸緊，不是"丁"呀!)

7/. 禮成！點D甜豉油，正到呢⋯⋯ˊ_>ˋ

好軟好滑！もちもち好好味。

不過咁多，吔唔吔得哂呀？有D worry禾！吔唔哂唔打緊，煎腸粉一樣好好味嘅啫... ^_^

弊喇，娃娃又話減肥？(爆)

嘩嘩嘩嘩！（◎＿◎;）

原來，卷左十？條，全部食得哂！

一大一小重要爭食。嚇死人⋯

Just like a 猛獸⋯⋯⋯

哈哈。

圖下係我用嘅米の粉です！

給你們參考。

希望可同身在異地嘅你，都可享受家鄕小吃吧。

多謝各位。

韓國前菜 Namul

韓国料理前菜我勁喜愛、石頭飯更LIKE！
前個月同韓国人太太開村長會時、見人少少就走埋去問佢整前菜秘訣。

其実韓国料理嘅前菜嚟嚟去去都係嗰幾様野、只要你有手有脚就係人都識整。唔係芽菜仔就係薇、波菜各様架啦！
但要想知自己整得係唔係正確、都係問清楚好啲！

拿、先講明先！因為我頭先口罕罕求其喺専頁UP下、話如果超過300人俾LIKE就上BLOG写野。

点知真係比我扼夠OVER 300個LIKE。。。( ☉_☉)

(爆)

冇啦、做人要有信用架麻、
写啦写啦！
（￣ v ￣ｌｌｌ）

因為頭先整時冇諗住上BLOG、所以冇影噉多STEP相、調味料分量又冇量清楚、真係唔好意思、すみません！
(爆)。

費話少講、先去睇睇材料！

~☆~☆~☆~☆~☆~☆~☆~☆~☆~☆~☆~☆~


●材料: 

① 芽菜仔   1包  
② 波菜       十数条
③ 薇 (大巣菜) 一包包水煮左果啲。

唔知係乜？

其實⋯ 係植物嘅一種。(爆)

上網搵返來嘅！唔係我種的。聽聞佢地生歐歐時好似成枝遮柄咁嘅。

(搵唔倒的話用菇類or牛蒡各樣代替啦！)

④ 白蘿蔔(大根) 

石頭飯用:   
⑤ 免治肉碎 ⋯ 約80g


【調味料】
(大1=1湯匙15cc; 小1=1茶匙5cc)

① 芽菜仔用:  
味付胡椒；少少、海鮮味粉; 小1/4、麻油; 適量。

② 波菜用: 
韓国醤油; 大1、砂糖; 小1、日本無添加鰹魚味; 少少、麻油；少少。

③白蘿蔔:
日本酢; 大3、砂糖(冇量到Sorry)、韓国紅椒粉; 小2。
(冇紅椒粉的話加少少紅蘿蔔糸代替都OK)

④ 薇用:
水100cc、料理酒少少、韓国醤油; 大1、砂糖; 小2、韓国味噌適量、韓國牛肉味粉小1、蒜粉少少。


~☆~☆~☆~☆~☆~☆~☆~☆~☆~☆~☆~☆~

●做法:

① 芽菜：
洗浄、焯熟(煮3分鐘)、倒落笊基注水過冷河、洒塩、用手搓至出水後、
試味、太咸的話用水略洗。 之後加調味料①。

② 波菜:
洗浄、切段、煲水。水滾後落1茶匙塩、焯2分鐘。(茎部先落水、煮夠1分鐘後先落其他部分)
上水落笊基、馬上冲凍水。浸冰水最好！鯨乾後、将淥好嘅波菜舗上寿司席上、
巻埋一碌、用手咋走水分。加入調味料②。

（其實成條菜就咁淥, 淥完先上砧板切段係最理想，但我懶，所以淥前先砌左段。）

③ 白蘿蔔:
切条、落1茶匙塩用手狂拃&搓至蘿蔔糸変軟身。冲水洗浄塩味後盡量拃乾。
加入調味料③、攪伴、放入雪櫃雪1～2小時。

④ 薇:
洗浄、用麻油略炒、加入調味料④、慢火炆8分鐘。(炆時開少少蓋)

注：冇薇改用菇類就5分鐘都夠了！

(注: 落調味料前請先将佢地全部攪勻喎)


※ 最後、所有東西放芝麻！
(白蘿蔔除外、白蘿蔔落紅椒糸)

■ 如Namul嘅話、喺碟上排好後先洒芝麻。
■ 用嚟做bibimbap就舗好上飯面後先落芝麻。



※石頭飯bibimbap変身！

石頭飯TOPPING有兩種、一種係冬天用、一種係夏天用。
可能係人都知、不過等我講下握下字数啦吓（笑）。

常見嘅当然係冬天版啦！不過夏天版都不錯、類似野菜沙律噉、
用來減肥最好、又好味又健康！但今次唔講夏天版住、
留返個QUOTA出BLOG(爆)。

冬天版石頭飯:
只要将以上材料全部切好上飯就攪掂！
不過個肉我未講点整。 HIHI

首先、用來炆薇嘅汁唔好掉、因為要用佢來炒肉。



●做法: 

① 肉碎:

用麻油炒肉、加少少姜容(唔要都得)、洒少少韓国料理酒、日本嘅都OK!  但唔要広東米酒嗰啲！炒香後加入炆完薇嘅汁、再加少少韓国味噌、攪勻、煮至収汁。 完成！

② 荷包蛋:

唔準笑！ (爆)  因為有同学発問。
拿！求学係好事。 蛋呢様野都有少少技巧架喎（笑）。

‐ 落油、焼熱隻鑊後、保持鎮定(笑)、打蛋落去。(蛋要新鮮)
‐ 見蛋白変白色後、用鍋剷軽軽摌下、確認佢冇痴底後、加少少水(約30〜40cc)、馬上冚蓋，
‐ 転中火。久唔久裝下個蛋黄面有少少白色噉就OK熄火、上飯面。

石頭飯TOPPING:

順序：白飯、紫菜(可以唔要)、蛋黄OR荷包蛋、前菜(加埋泡菜喎)、韓国味噌、最後洒芝麻、麻油。 得左！ yeah....

韓国人太太話，蛋要最後放上面、
但我覚得放底會好睇啲、所以。。。。
隋你地喜歓啦。

好攰、點幾鐘、要瞓喇。zzzZ

應該有好多字打錯，明日先改喇。

哈哈！

好！

祝你地成功、我要搵周公。(爛)

英式鬆餅 (Scone)

好耐冇上嚟BLOGGER出BLOG喇、頭先要摸左一排先摸倒入嚟。激到我嘔電！

唉、都係嗰句、雖然YBLOG係有點西、但其実佢係OK架（笑）！

見FACEBOOK度噉多朋友話想要Scone食譜、
好啦、快手喺度打一篇俾你地交住貨先。(' 益 ')
呢個SCONE勁簡単、我成日都整架！因為係娃子茶点必備。
唔係曲奇就係佢、全部当然要快靚正同簡単。(^_^)v 😂😂

首先睇睇材料:


✳︎材料:

① 低筋麺粉 190g
② 奶粉 10g
③ 發粉 10g
④ 砂糖 15g
⑤ 無鹽牛油  60g
⑥ 鮮奶 60～80ml  (按自己喜愛硬度)

做法:

① 牛油切粒、備用。

② 将材料①～④全部倒入一個大兜裏面攪勻後、
加牛油粒、用Cutter、Cut細啲牛油、一路斬一路攪勻。

③  斬無可斬後、最後用手搓走大粒嘅牛油碎、搓到佢好似D擦紙膠碎噉就岩嘞！

由於左手要咋機影相關係，所以得右手卒粉。記得用兩隻手一齊卒禾，如果唔係盤粉攤暖左, 做出來嘅餅就唔多理想架喇！

④  加鮮奶入步驟③、略攪。

切忌用力擠圧、係咁依搞勻就ok架嘞。最後撚埋一舊粉団、用保鮮紙包好，雪半個鐘至一個鐘後取出，放上一塊洒左麺粉嘅砧板上。用曲奇模cut出嚟又好、菜刀斬件又好、
総之一定要用金属質地嘅東西Cut個餅出嚟。我就用菜刀砌成正方形塊算了，因為趕時間(笑)。又或者學沙筆咁砌又得！但記得厚度要有2cm禾! 

 CUT完後絶対唔好用手摸倒D餅嘅砌口位禾、否則個餅就會昇得唔夠高架喇。

⑤ 焗炉予熱200℃、焗15至20分鐘。攪掂！
(火力唔同請自行判断)

焗好後取出，放上鐵龬上㰙凍。之後先好入樽呀！

好吸引耶！☻☻

*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*

➡︎秘訣:

牛油同鮮奶一定要凍！
否則個餅會唔夠ZONE化。

呢個鬆餅夠頂肚又好味、可以整嚟做早餐又得、TEA又得、
帯返公司請同事食又得！ 得左。

娃子最鐘意攞佢嚟送牛奶食、佢話簡直一流享受！

嘻嘻☻