尋日開始唔係幾C服，
冇咩心情煮飯諗餸食，就求其喺雪櫃有乜巣乜。
搵倒泡菜韮菜雜菜乜都得，全部倒哂落飯煲裏連埋洗好左嘅米，
水，再加D韓國豉油&味噌(辣果隻)，酒呀糖呀麻油紫菜碎各樣一齊煲!
▼ 個様真係求其都嚇親人！得唔得架呢？
結果：掂! (爆)
再放多兩件喺超市買返來嘅炸雞拌碟，嘻嘻。
三更半夜見倒呢碟野真係想打人♪(´ε｀ )
到左今日、中秋佳節。
點知就有咁啱得噉橋、輪到我当席要帯隊睇放學。
唉～
都話咗今日唔多C服咯、
點解次次都係喉正我頭暈脚痛嗰時先要我当席嘅呢？
點解六合彩買左噉耐又唔見我中嘅呢？
▼ 冇嘅、未食住止痛薬駁殺囉！？
喺猛烈太陽吓、涯咗兩個鐘、飲左成枝水、
之後先仆去買餸各様…
買完又要交返個当番袋俾下一個靚太。
真係越攰越頻朴。 _|￣|●
做節喎… 重有鬼気力攪噉多野咩。。。
求其煮未算囉、填得飽個肚就得架啦！
不過、話哂中秋就梗係要煮返少少中菜吔吓先似様嘅。
正如聖誕要食西餐、新年要食中餐( ´益`)hihi....
雖然在坐毎位朋友做節時可能一定會大魚大肉大把菜、
但基予八月十五是十五、逢初一十五西多家都盡量會食齋。
（亀亀除外。）
正所謂；
初一十五齊吃齋；
觀音䔒薩都讚乖! (爆)
觀音䔒薩都讚乖! (爆)
皇帝呢個大和人都跟左我一様、
就算喺公司都會叫個浄蕎麦吔。
最多忍唔字就加多条蟹柳噉上下啦！
|´^ิ益^ิ｀）´^ิ益^ิ｀）´^ิ益^ิ｀）
拿、各位、
噉記得得閒食吓齋喇（笑）。
▼ 因為在宇都宮難買材料、所以上次喺横浜中華街度予先買左啲素鶏返嚟。
▼ 之後就是但用翠玉瓜、紅椒、鶏脾菇各様炒左碟齋出嚟。
都米話、
呢碟不知名嘅齋野都幾好送飯吓(笑)( ´益`；)
▼ 入郷随俗、大和人十五夜（中秋）會吔糯米的。 冇嘅、
我未揼多兩個糯米落個けんちん汁（味噌湯嘅一類）度之嘛。
我愛けんちん汁呀、因為貪佢夠多菜！便秘好呀。
不過因為齋嘅関係、今次嘅上湯只能用昆布ONLY！
(｡-_-｡)
▼ 我鐘意嘅素鶏呀！いただきまぁ～～す。
▼ 当然重有皇帝至愛嘅芋頭仔啦！( ´益`)hihi....
真係求恋其到爆！
哈哈哈哈哈～
▼ 我用嘅齋壕油。（素食壕油）
台湾野、又係喺中華街度買嘅、
因為上次返香港時買漏左。
味道不錯。(*´ｪ`)
▼ 柿。 ９７円一個！無核、甜喎。
因為娃娃有幾声咳、只可食一舊仔！
其他係我嘅！真係唔好意思。哈哈～
▼ 最後当然唔少得月餅啦！
今年我好開心呀、有好多朋友送月餅俾我、唔洗買又唔洗自己搵、
真係多謝哂你地呀( ´益`)hihi....
話説以前我唔多鐘意食月餅、
因為嫌佢太甜。
重有我唔鐘意食蛋黄、只愛食白蓮容。
記得細個嗰時、二魔（我阿妹）就醒喇、啱啱同我相反。
所以我地兩個一有月餅食就好鬼Friend!(爆)
食完之後即刻散Band.(爆ｘ２)
但唔知點解、
嚟咗大和後就勁鐘意月餅、
係未変態？
(*´ｪ`)
要瞓了。
下星期開始要帰位、正式開工趕稿喇。
到時希望可以継続KEEP住久唔久都上嚟UP兩野啦！
(o´･∀･)ﾉ
▼ 亀亀祝各位中秋節快樂、人猫月兩団圓。
唔知有冇人睇唔睇得出佢係一隻猫呢hea？
(爆)
沒有留言:
張貼留言