呢排真係為搬blog一事而煩到冇啖好食。稿都冇心情度，因為知有嘢未撹掂，完全集中唔倒精神，真係害已害人! 最壞打算未將save左舊blog嘅link post喺呢度囉。總之有得睇好過冇嘛! 係就係麻煩D架喇(~_~;)
上星期日，喺屋企冇心情煮飯，最好就係唔好撹咁多又好味嘅嘢。于是我又整左D懶人料理來應酬娃子佢地。
整乜?
Pizza!! (^_-)
因為搓粉工程有面包機代勞，咁我就求其砌下洋蔥腸仔就掂嘞! 重唔洗開鑊左爆右爆，正!
▼首先準備材料、就係咁多嘞! 係未好dry呢? 哈哈!
▼將高筋面粉，酵母，塩，糖，水，olive oil, 奶粉各樣全部倒入面包機裏，等佢幫我搓同發酵，之後取出粉團一分二，用整濕左嘅廚房低冚住，等3個字。
▼醬汁方面，買現成嘅米煩啦! 懶人係咁架喇嘛。(笑)
▼舊粉癱左3個字後，用手拉開成一塊。再用叉吉。拿，切忌用碌餅貪樣靚禾! 因為個餅碌完就會実的的唔軟熟架!
▼噴Olive oil後再塗醬料各樣。
▼鋪料。
焗爐預熱200度，之後焗11至12分鐘。
(焗爐火力唔同，自己因啦!)
▼連紙連pizza一齊上碟! 禮成。
▼你地睇下娃子佢地? 好似人地食緊納豆or蓮藕咁拉哂絲!(爆)
冇嘅，啲pizza広告都係咁上下之麻!(笑)
今次我整嘅係厚批。目的係想快D爭飽佢地(爆)，之後我又唔洗撚(動詞)咁多塊，又唔洗焗咁多次，慳D環保D!（爆笑）
▼唔洗一陣，食哂Lu!
ご馳走様でした！
用最cheap嘅材料，最簡單嘅方法，可整倒樣靚又好味嘅嘢，大和太就最有辦法! 又要慳又要繍花，就算一隻蛋都可以好多變化。
下篇blog就同大家分享下；
如何做溫泉蛋啦! 嘻嘻(^_-)
打完!
返到屋企Lu, 手機真方便。哈哈!
沒有留言:
張貼留言